തിരുവനന്തപുരം: സംസ്ഥാനത്ത് ഇന്ന് 962 പേര്ക്ക് കോവിഡ് സ്ഥിരീകരിച്ചു. സമ്ബര്ക്കത്തിലൂടെ 801 പുതിയ രോഗികള് . 815 രോഗമുക്തി. ഇന്ന് രണ്ട് മരണവും റിപ്പോര്ട്ട് ചെയ്തു .
മുഖ്യമന്ത്രി പിണറായി വിജയന് വാര്ത്ത സമ്മേളനത്തിലാണ് ഇക്കാര്യങ്ങള് അറിയിച്ചത് .
സംസ്ഥാനത്ത് കോവിഡ് വ്യാപനം തടയുന്നതില് അലംഭാവമുണ്ടായെന്ന് മുഖ്യമന്ത്രി പിണറായി വിജയന്. അലംഭാവവും വിട്ടുവീഴ്ചയും ഇപ്പോഴത്തെ അവസ്ഥയ്ക്ക് ഇടയാക്കി. ഇക്കാര്യം കുറ്റസമ്മതത്തോടെ എല്ലാവരും ഓര്ക്കണമെന്നും മുഖ്യമന്ത്രി പറഞ്ഞു.
കോവിഡ് പകരാതിരിക്കാനുള്ള മുന്കരുതല് എടുക്കുന്നതില് ജനങ്ങള് ഒരു തരത്തിലുമുള്ള അയവും വരുത്താന് പാടില്ലെന്ന് മുഖ്യമന്ത്രി പിണറായി വിജയന് പറഞ്ഞു. രോഗം വന്നിട്ട് ചികിത്സിക്കുക മാത്രമല്ല, രോഗം വരാതിരിക്കാനും പകരാതിരിക്കാനും ആവശ്യമായ മുന്കരുതലുകള് വളരെ പ്രധാനമാണ്. നേരത്തെ നാം ആവശ്യമായ മുന്കരുതലുകള് വലിയ തോതില് സ്വീകരിച്ചിരുന്നു. എന്നാല് പല കാരണങ്ങളാല് ഇക്കാര്യത്തില് നാം അലംഭാവം കാണിച്ചു. അതാണ് ഇന്നത്തെ അവസ്ഥയില് നാം എത്തിച്ചേര്ന്നതിന് കാരണമെന്ന് കുറ്റബോധത്തോടെ ഓര്ക്കണം. ഇനിയെങ്കിലും ഗൗരവത്തോടെ ഒരേമനസ്സോടെ നീങ്ങാനാവണമെന്ന് മുഖ്യമന്ത്രി പറഞ്ഞു.
കോവിഡ് ബാധിതര് ജില്ല തിരിച്ച്:
തിരുവനന്തപുരം-205
കൊല്ലം-57
പത്തനംതിട്ട-36
കോട്ടയം-35
ഇടുക്കി-26
ആലപ്പുഴ-101
എറണാകുളം-106
തൃശൂര്-55
പാലക്കാട്-59
മലപ്പുറം-85
കോഴിക്കോട്-33
കണ്ണൂര്-37
വയനാട്-31
കാസര്കോട്-66
find Mediavision TV on social media

ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !