നേരിട്ടുള്ള സമ്പര്ക്കത്തിലൂടെ 664 പേര്ക്ക് വൈറസ്ബാധ
ഉറവിടമറിയാതെ രോഗബാധിതരായവര് 33 പേര്
രണ്ട് ആരോഗ്യ പ്രവര്ത്തകര്ക്കും രോഗബാധ
രോഗബാധിതരായി ചികിത്സയില് 11,268 പേര്
ആകെ നിരീക്ഷണത്തിലുള്ളത് 57,726 പേര്
മലപ്പുറം ജില്ലയില് ഇന്ന് (ഒക്ടോബര് 27) 706 പേര്ക്ക് കോവിഡ് 19 സ്ഥിരീകരിച്ചതായി ജില്ലാ കലക്ടര് കെ. ഗോപാലകൃഷ്ണന് അറിയിച്ചു. ഇതില് 664 പേര്ക്കും സമ്പര്ക്കത്തിലൂടെയാണ് വൈറസ്ബാധ സ്ഥിരീകരിച്ചത്. 33 പേര്ക്ക് ഉറവിടമറിയാതെയും രണ്ട് ആരോഗ്യ പ്രവര്ത്തകര്ക്കും ഇന്ന് രോഗം സ്ഥിരീകരിച്ചിട്ടുണ്ട്. ഇന്ന് വൈറസ്ബാധ സ്ഥിരീകരിച്ചവരില് ഏഴ് പേര് ഇതര സംസ്ഥാനങ്ങളില് നിന്നെത്തിയവരാണ്.
അതിനിടെ ജില്ലയില് ഇന്ന് 993 പേരാണ് വിദഗ്ധ ചികിത്സയ്ക്ക് ശേഷം രോഗമുക്തരായത്. ഇതോടെ ജില്ലയില് രോഗമുക്തരായവരുടെ എണ്ണം 37,683 ആയി. വൈറസ് വ്യാപന സാധ്യത തുടരുന്നതിനാല് രോഗ പ്രതിരോധ പ്രവര്ത്തനങ്ങളില് യാതൊരു വിട്ടുവീഴ്ചകളും പാടില്ലെന്നും ആരോഗ്യ ജാഗ്രത കര്ശനമായി പാലിക്കണമെന്നും ജില്ലാ കലക്ടര് ആവര്ത്തിച്ച് അഭ്യര്ഥിച്ചു.
നിരീക്ഷണത്തില് 57,726 പേര്
57,726 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 11,268 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 463 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 1,100 പേരുമാണ് നിരീക്ഷണത്തിലുള്ളത്. മറ്റുള്ളവര് വീടുകളിലും കോവിഡ് കെയര് സെന്ററുകളിലുമായി നിരീക്ഷണത്തിലാണ്. ഇതുവരെ ജില്ലയില് നിന്ന് പരിശോധനക്കയച്ച 2,53,035 സാമ്പിളുകളില് 2,647 സാമ്പിളുകളുടെ ഫലങ്ങളാണ് ഇനി ലഭിക്കാനുള്ളത്. ഇതുവരെ 222 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
ആരോഗ്യ ജാഗ്രത കര്ശനമായി പാലിക്കണം: ജില്ലാ മെഡിക്കല് ഓഫീസര്
പൊതുജനാരോഗ്യം മുന്നിര്ത്തി ജില്ലയില് പ്രഖ്യാപിച്ച നിയന്ത്രണങ്ങള് പാലിക്കാന് എല്ലാവരും ശ്രദ്ധിക്കണമെന്നും ഇക്കാര്യത്തില് വീഴ്ച പാടില്ലെന്നും ജില്ലാ മെഡിക്കല് ഓഫീസര് ആവര്ത്തിച്ച് അറിയിച്ചു. വീടുകളില് നിരീക്ഷണത്തിലുള്ളവര് യാതൊരു കാരണവശാലും മറ്റുള്ളവരുമായി സമ്പര്ക്കത്തിലേര്പ്പെടാതെ റൂം ക്വാറന്റീന് നിര്ദേശങ്ങള് പൂര്ണ്ണമായും പാലിക്കണം. മുതിര്ന്ന പൗരന്മാര്, കുട്ടികള്, ഗര്ഭിണികള്, മാറാരോഗികള് എന്നിവര് വൈറസ് ബാധിതരാകുമ്പോള് ആരോഗ്യസ്ഥിതി ഗുരുതരമാകാനുള്ള സാധ്യത കൂടുതലാണ്. ഇത് തിരിച്ചറിഞ്ഞുള്ള ഇടപെടലാണ് പൊതുസമൂഹത്തില് നിന്ന് ഉണ്ടാകേണ്ടത്.
ഏതെങ്കിലും വിധത്തിലുള്ള ആരോഗ്യ പ്രശ്നങ്ങളുണ്ടായാല് അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെടണമെന്നും ജില്ലാ മെഡിക്കല് ഓഫീസര് അറിയിച്ചു. ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകരുത്. ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണമെന്നും ജില്ലാ മെഡിക്കല് ഓഫീസര് അറിയിച്ചു. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !