തിരുവനന്തപുരം | പ്ലസ് വണ് വിദ്യാര്ഥികള്ക്കുള്ള ഓണ്ലൈന് ക്ലാസുകള്ക്ക് ഇന്ന് തുടക്കമാകും. വിക്ടേഴ്സ് ചാനല്-വെബ്സൈറ്റ് വഴിയാണ് ക്ലാസുകള്. ഇതോടെ ഒന്നു മുതല് പന്ത്രണ്ടുവരെ ക്ലാസുകളിലായി 45 ലക്ഷം കുട്ടികള്ക്കും പ്രയോജനപ്പെടുന്ന ക്ലാസുകള് എല്ലാ ദിവസവും കൈറ്റ് വിക്ടേഴ്സില് സംപ്രേഷണം ചെയ്യും. രാത്രി 8.30 മുതല് 9.30 വരെ പുനഃസംപ്രേഷണവും ഉണ്ടാകും.
ആദ്യ ആഴ്ചകളില് ഇംഗ്ലീഷ്, മാത്സ്, ഫിസിക്സ്, എക്കണോമിക്സ്, അക്കൗണ്ടന്സി തുടങ്ങിയ വിഷയങ്ങളുടെ ക്ലാസുകളാകും ഉണ്ടാവുക. തുടര്ന്നുള്ള ദിവസങ്ങളില് മറ്റ് വിഷയങ്ങളുടെ സംപ്രേഷണവും ഉണ്ടാവുമെന്ന് കൈറ്റ് സി.ഇ.ഒ കെ. അന്വര് സാദത്ത് അറിയിച്ചിട്ടുണ്ട്. പ്ലസ് വണ് ക്ലാസുകള് കാണാന് കുട്ടികള്ക്ക് സൗകര്യം ഏര്പ്പെടുത്തണമെന്ന് പൊതുവിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് നിര്ദ്ദേശം നല്കിയിരുന്നു. തുടര്ന്നാണ് നടപടികള് വേഗത്തിലാക്കി ക്ലാസുകള് ഇന്ന് തുടങ്ങാന് തീരുമാനിച്ചത്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !