ഐ എസ് എല്ലിലെ നിലവിലെ ചാമ്പ്യന്മാരായ എ ടി കെ മോഹൻ ബഗാന്റെ വിജയ പരമ്പരയ്ക്ക് അവസാനമില്ല. തുടർച്ചയായ മൂന്നാം മത്സരത്തിലും മോഹൻ ബഗാൻ വിജയം സ്വന്തമാക്കിയിരിക്കുകയാണ്. മോഹൻ ബഗാൻ ഇന്ന് ഒഡീയെ ആണ് പരാജയപ്പെടുത്തിയത്. അവസാന നിമിഷം റോയ് കൃഷ്ണ നേടിയ ഗോളിലാണ് മോഹൻ ബഗാൻ മൂന്ന് പോയിന്റ് സ്വന്തമാക്കിയത്.
വിരസമായ രീതിയിൽ ആയിരുന്നു മത്സരം ആരംഭിച്ചത്. ഗോൾ അവസരങ്ങൾ സൃഷ്ടിക്കാൻ ഇരു ടീമുകളും കഷ്ടപ്പെടുന്നതാണ് മത്സരത്തിൽ ഉടനീളം കാണാൻ കഴിഞ്ഞത്. ആദ്യ പകുതിയിൽ മെച്ചപ്പെട്ട പ്രകടനം നടത്തിയത് ഒഡീഷ ആയിരുന്നു. എന്നാൽ മാഴ്സെലോക്കും സംഘത്തിനും മോഹൻ ബഗാന്റെ തിരി ജിങ്കൻ ഡിഫൻസീവ് കൂട്ടുകെട്ട് ഭേദിക്കാൻ ആയില്ല. രണ്ടാം പകുതിയിൽ എ ടി കെ പ്രകടനം മെച്ചപ്പെടുത്തി. ഒരു സെൽഫ് ഗോളിലൂടെ എ ടി കെ മുന്നിൽ എത്തി എന്ന് തോന്നിപ്പിച്ചു എങ്കിലും മൻവീറിന് ഹാൻഡ് ബോൾ ഉണ്ട് എന്ന് വിധിച്ച റഫറി ഗോൾ നിഷേധിച്ചു.
മത്സരം ഗോൾ രഹിത സമനിലയിലേക്ക് പോവുക ആണ് എന്ന് തോന്നിയ നിമിഷത്തിലാണ് റോയ് കൃഷ്ണ വിജയ ഗോളുമായി എത്തിയത്. ഫൈനൽ വിസിലിനു തൊട്ടു മുന്നെ ഒരു ഹെഡറിലൂടെ ആയിരുന്നു കൃഷ്ണയുടെ വിജയ ഗോൾ. ഈ വിജയത്തോടെ എ ടി കെ മോഹൻ ബഗാൻ ലീഗിൽ ഒന്നാമത് എത്തി. മൂന്ന് മത്സരങ്ങളിൽ 9 പോയിന്റാണ് എടി കെ മോഹൻ ബഗാന് ഉള്ളത്. ഇതുവരെ ഒരു ജയം പോലും ഇല്ലാത്ത ഒഡീഷ ഒരു പോയിന്റുമായി 10ആം സ്ഥാനത്ത് നിൽക്കുന്നു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !