കേന്ദ്രസര്ക്കാരിന്റെ കാര്ഷിക നിയമങ്ങള്ക്ക് എതിരെ ട്രാക്ടര് മാര്ച്ച് നടത്തുന്ന കര്ഷകരില് ഒരുവിഭാഗം ഡല്ഹിയിലെത്തി. സിംഘുവില് നിന്ന് ഗാസിപൂര് വഴി യാത്രതിരിച്ച സംഘമാണ് പ്രഗതി മൈതാനില് എത്തിയത്. ഐടിഒയ്ക്ക് മുന്നിലെത്തിയ കര്ഷകര് പൊലീസ് ബാരിക്കേഡുകള് മറിച്ചിട്ടു. ഡല്ഹി ട്രാന്സ്പോര്ട്ട് കോര്പ്പറേഷന് ബസിന് നേരെയും ആക്രമണം നടന്നു. ഇവര് സെന്ട്രല് ഡല്ഹിയിലേക്ക് നീങ്ങുകയാണ്.
അതേസമയം ഡല്ഹി ദില്ഷാദ് ഗാര്ഡനില് ട്രാക്ടര് റാലിയുമായെത്തിയ കര്ഷകരും പൊലീസും തമ്മില് വന് സംഘര്ഷം. ബാരിക്കേഡ് മറികടക്കാൻ കർഷകർ ശ്രമിച്ചത് ദിൽഷാദ് ഗാർഡനിൽ വൻ സംഘർഷത്തിനിടയാക്കി. മാർച്ചിനു നേരെ പൊലീസ് നടപടി ആരംഭിച്ചതോടെ നിരവധി പേർക്ക് പരുക്കേറ്റു. ഡല്ഹിയിലേക്ക് കര്ഷകര് കടക്കാതിരിക്കാനായി പൊലീസ് ലാത്തിവീശി. കണ്ണീര്വാതകവും പൊലീസ് പ്രയോഗിച്ചു. ഇതോടെ കര്ഷകര് ട്രാക്ടറുകള് ഉപേക്ഷിച്ച് പിന്വാങ്ങി.
കര്ഷകര് വന്ന വാഹനങ്ങള് അടിച്ചുതകര്ത്തിട്ടുണ്ട്. കര്ഷകരുടെ വാഹനങ്ങളുടെയും ട്രാക്ടറുകളുടെയും കാറ്റ് പൊലീസ് അഴിച്ചുവിട്ടു. ഒപ്പം ട്രാക്ടറുകളിലെ ഇന്ധനവും പൊലീസ് തുറന്നുവിട്ടു. ഇതോടെ ഇനി ഇവിടെനിന്ന് ട്രാക്ടറുകളും മറ്റ് വാഹനങ്ങളും മാറ്റുകയെന്നത് കര്ഷകര്ക്ക് ഏറെ ബുദ്ധിമുട്ടാകും.
ഡല്ഹി – ഹരിയാന അതിര്ത്തിയായ തിക്രിയിലും കര്ഷകര് ബാരിക്കേഡുകള് മറികടന്ന് ഡല്ഹിയിലേക്ക് പ്രവേശിച്ചു. കര്ഷകരെ പിന്തിരിപ്പിക്കാനുള്ള പൊലീസ് ശ്രമം പരാജയപ്പെട്ടു. ഡല്ഹിയിലും ഹരിയാനയിലുമായി ആറ് മേഖലകളിലാണ് ട്രാക്ടറുകള് ഒരേസമയം റാലി നടത്തുക. രണ്ട് ലക്ഷം ട്രാക്ടറുകള് എത്തുമെന്നായിരുന്നു കണക്കുകൂട്ടല്. എന്നാല്, അതിലും അധികം ട്രാക്ടറുകള് എത്തിയെന്നാണ് കര്ഷക നേതാക്കള് വ്യക്തമാക്കിയത്. അതിനാല് തന്നെ, പൊലീസ് അംഗീകരിച്ച റൂട്ട് മാപ്പിനേക്കാള് ദൂരം ട്രാക്ടറുകള്ക്ക് സഞ്ചരിക്കേണ്ടി വന്നേക്കുമെന്നാണ് വിലയിരുത്തല്.
അതേസമയം, ഹരിയാന അതിർത്തിയായ കർനാലിൽ എത്തിയ കർഷകർ ഏറെ നേരത്തെ സംഘർഷാവസ്ഥയ്ക്കു ശേഷം സിംഘുവിലേക്കു മടങ്ങിത്തുടങ്ങി. രാവിലെ സിംഘുവിൽനിന്ന് ആരംഭിച്ച മാർച്ച് കർനാലിൽ അവസാനിപ്പിച്ചാണ് കർഷകർ മടക്കം ആരംഭിച്ചത്. സിംഘുവിൽ നിന്നുള്ളവർ ബാരിക്കേഡുകൾ തകർത്ത് ജി.ടി. റോഡു വരെ എത്തിയിരുന്നു. പ്രഗതി മൈതാനിയിലും രാജ്ഘട്ടിലും ട്രാക്ടർ മാർച്ച് എത്തി.
നേരത്തെ, പൊലീസ് ബാരിക്കേഡ് മറികടന്ന് നടത്തിയ ട്രാക്ടർ മാർച്ചിൽ ആയിരങ്ങളാണ് പങ്കെടുത്തത്. സംഘർഷത്തിൽ ഏതാനും പൊലീസുകാർക്ക് പരുക്കേറ്റു. ഡൽഹി – മീററ്റ് എക്സ്പ്രസ് വേയിൽ പാണ്ഡവ് നഗറിനു സമീപം കർണാൽ ബൈപാസിൽ പൊലീസ് സ്ഥാപിച്ചിരുന്ന ബാരിക്കേഡുകളും കർഷകർ മറികടന്നു.
Watch | Police lathicharge protesting farmers at Faridabad #FarmersProtest #TractorRally pic.twitter.com/RS3CAtAeQt
— NDTV (@ndtv) January 26, 2021
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !