സംസ്ഥാനത്ത് മെയ് 14, 15 തീയതികളില് ചുഴലിക്കാറ്റും കനത്ത മഴയും ഉണ്ടാകുമെന്ന കാലാവസ്ഥാ മുന്നറിയിപ്പിന്റെ പശ്ചാത്തലത്തില് അടിയന്തരമായി 300 ടണ് മെഡിക്കല് ഓക്സിജന് ലഭ്യമാക്കണമെന്ന് പ്രധാനമന്ത്രിക്ക് അയച്ച കത്തില് മുഖ്യമന്ത്രി പിണറായി വിജയന് ആവശ്യപ്പെട്ടു. പ്രതിദിന ഓക്സിജന് വിഹിതം 450 ടണ് ആയി ഉയര്ത്തണമെന്നും മുഖ്യമന്ത്രി പറഞ്ഞു.
ദിനംപ്രതി 212.34 ടണ് ഓക്സിജന് ഉല്പാദിപ്പിക്കാനുള്ള ശേഷിയാണ് കേരളത്തിനുള്ളത്. ഓക്സിജന് ആവശ്യമുള്ള കോവിഡ് രോഗികളുടെ എണ്ണം ഗണ്യമായി ഉയരുന്ന സാഹചര്യത്തില് പ്രതിദിന ആവശ്യം 423.6 ടണ് വരെ ഉയരാമെന്നാണ് ശാസ്ത്രീയ അനുമാനം. കേരളത്തിലെ ആശുപത്രികളില് ഇപ്പോഴുള്ള ഓക്സിജന് സ്റ്റോക്ക് 24 മണിക്കൂര് നേരത്തേക്കുപോലും തികയില്ല. ഈ സാഹചര്യത്തില് കേന്ദ്രത്തിന്റെ സഹായം അനിവാര്യമാണെന്ന് മുഖ്യമന്ത്രി പറഞ്ഞു.
കാറ്റും മഴയും ഓക്സിജന് പ്ലാന്റുകളിലേക്കും ഫില്ലിംഗ് സ്റ്റേഷനുകളിലേക്കുമുള്ള വൈദ്യുതിവിതരണം തടസ്സപ്പെടുത്താന് ഇടയുണ്ട്. ഓക്സിജന് വിതരണത്തിന് ഭംഗമുണ്ടാക്കാവുന്ന നിലയില് റോഡ് ഗതാഗതവും തടസ്സപ്പെടാനിടയുണ്ട്. ഓക്സിജന് വിതരണത്തിന്റെ കാര്യത്തില് കേന്ദ്ര സര്ക്കാരിന്റെ എംപവേഡ് ഗ്രൂപ്പിന്റെ എല്ലാ തീരുമാനങ്ങളും കേരളം പാലിക്കുന്നുണ്ട്. കേരളത്തിന്റെ സ്ഥിതി മോശമായിട്ടും കേന്ദ്ര നിര്ദ്ദേശ പ്രകാരം മറ്റ് സംസ്ഥാനങ്ങള്ക്ക് മെഡിക്കല് ഓക്സിജന് നല്കി വരികയാണെന്നും കത്തില് മുഖ്യമന്ത്രി പറഞ്ഞു.
Keywords: News, Thiruvananthapuram, Chief Minister, Prime Minister, Kerala, COVID-19, Pinarayi Vijayan, Narendra Modi, Kerala, State, 300 tons of medical oxygen should be made available immediately: Chief Minister sent a letter to Prime Minister.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !