അബുദാബി: യുഎഇയിലെ വിവിധ എമിറേറ്റുകളിലെ ഈദുല് ഫിത്തര് നമസ്കാര സമയം പ്രഖ്യാപിച്ചു. അബുദാബി നഗരം- രാവിലെ 5.57, അല്ഐന്- 5.50, മദീനത് സായിദ്- 6.01, ദുബായ്- 5.52, ഷാര്ജ നഗരം, അല് ഹംരിയ്യ- 5.51, അല് ദൈദ്, അല് ബതായ- 5.50, അല് മദാം, അല് മലീഹ- 5.51, ഷാര്ജയിലെ കിഴക്കന് എമിറേറ്റുകള്- 5:48, അജ്മാന്, 5.51, റാസല് ഖൈമ- 5.48, ഉമ്മുല് ഖുവൈന്-5.50, ഫുജൈറ- 5.48 എന്നിങ്ങനെയാണ് നമസ്കാര സമയം.
രണ്ട് റകഅത്ത് നമസ്കാരവും അതിനു ശേഷമുള്ള ഖുത്ബ പ്രഭാഷണവും അടക്കം പ്രാര്ഥന ആകെ 15 മിനിറ്റ് മാത്രമേ നീണ്ടുനില്ക്കാവൂ എന്ന് നാഷനല് എമര്ജന്സി ക്രൈസിസ് ആന്റ് ഡിസാസ്റ്റര് മാനേജ്മെന്റ് അതോറിറ്റിയുടെ കര്ശന നിര്ദ്ദേശമുണ്ട്. പള്ളികള്ക്കകത്തും മുസല്ല എന്ന പേരില് അറിയപ്പെടുന്ന തുറസ്സായ സ്ഥലങ്ങളിലുമായാണ് നമസ്കാരം നിര്വഹിക്കുക. പള്ളികളിലെ സ്ത്രീകള്ക്കായുള്ള നമസ്കാര സ്ഥലം അടച്ചിടണമെന്നും നിര്ദ്ദേശമുണ്ട്.
നമസ്കാരത്തിന് 15 മിനിറ്റ് മുമ്പ് പള്ളികള് തുറക്കുകയും പ്രാര്ഥന കഴിഞ്ഞയുടന് അടയ്ക്കുകയും ചെയ്യും. കര്ശന കൊവിഡ് സുരക്ഷാ മാനദണ്ഡങ്ങളനുസരിച്ചായിരിക്കും വിശ്വാസികളെ പള്ളികളില് പ്രവേശിപ്പിക്കുക. കൃത്യമായ സാമൂഹ്യ അകലം പാലിച്ച് വേണം പ്രാര്ഥനയ്ക്കായുള്ള വരികള് (സ്വഫുകള്) നില്കാന്. പതിവു രീതിയിലുള്ള ഹസ്തദാനമോ ആലിംഗനമോ കവിളില് ചുംബിക്കലോ പാടില്ല. പ്രാര്ഥനയ്ക്ക് മുമ്പും ശേഷവും പരിസരത്ത് ആളുകള് കൂടി നില്ക്കുന്നതിനും വിലക്കുണ്ട്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !