ആശുപത്രികള്ക്ക് മുന്നില് കൊവിഡ് ചികിത്സയുമായി ബന്ധപ്പെട്ട വിവിധ ചികിത്സകളുടെയും മരുന്നുകളുടെയും വസ്തുക്കളുടെയും ഡോക്ടര്മാരുടെയും നഴ്സ്മാരുടെയും സേവനങ്ങളുടെയും നിരക്കുകള് എഴുതി പ്രദര്ശിപ്പിക്കണമെന്ന് സര്ക്കാര് നിര്ദേശം. ഇതില് നിന്ന് ഒരു രൂപ പോലും കൂടരുതെന്നും, സര്ക്കാര് നിര്ദേശിക്കുന്നു.
നിശ്ചയിച്ചതിലും കൂടുതല് ഏതെങ്കിലും ആശുപത്രി കൂടുതല് നിരക്ക് ഈടാക്കിയെന്ന് കണ്ടെത്തിയാല് പത്തിരട്ടി തുക പിഴയായി ഒടുക്കേണ്ടി വരും. കര്ശനനടപടിയുണ്ടാകും. രോഗികളെത്തിയാല് അഡ്വാന്സ് തുക ഈടാക്കിയ ശേഷം മാത്രം അഡ്മിഷന് എന്ന നിലപാടെടുത്താലും നടപടിയുണ്ടാകും.
നിശ്ചയിച്ച നിരക്കുകള് കൃത്യമായി വെബ്സൈറ്റുകളിലും പ്രദര്ശിപ്പിക്കണം. രോഗികള്ക്കും കൂടെ നില്ക്കുന്നവര്ക്കും ഈ നിരക്കുകള് ഏത് സമയവും പരിശോധിക്കാനാകണം. കേരളാ ഷോപ്പ്സ് ആന്റ് കൊമേഴ്സ്യല് എസ്റ്റാബ്ലിഷ്മെന്റ് ആക്ടുമായി ബന്ധപ്പെട്ട വെബ്സൈറ്റിലേക്ക് ഇതിന്റെ ലിങ്കുകള് നല്കണം.
ജില്ലാ മെഡിക്കല് ഓഫീസര്ക്കാകും ഇത് സംബന്ധിച്ചുള്ള ഏത് പരാതികളും കേള്ക്കാനും പരിഹാരം നിര്ണയിക്കാനുമുള്ള അവകാശം. Chairman – Shri.C.K.Padmakaran, Member 1 – Dr.V.Rajeevan, Member 2 – Dr.V.G.Pradeep Kumar എന്നിവര് അംഗങ്ങളായ സമിതി അപ്പലൈറ്റ് അതോറിറ്റിയായിരിക്കും. കൊള്ളനിരക്ക് ഏത് ആശുപത്രി ഈടാക്കിയതായി പരാതി ലഭിച്ചാലും ഈ സംവിധാനത്തിലൂടെയാകും പരിഹാരമുണ്ടാകുക. ഇവരെ ബന്ധപ്പെടാനുള്ള നമ്ബറുകള് കേരളാ ഷോപ്പ്സ് ആന്റ് കൊമേഴ്സ്യല് എസ്റ്റാബ്ലിഷ്മെന്റ് ആക്ടുമായി ബന്ധപ്പെട്ട വെബ്സൈറ്റില് ഉണ്ടാകും.
പിപിഇ കിറ്റുകള്, പള്സ് ഓക്സിമീറ്ററുകള്, ഓക്സിജന് സിലിണ്ടറുകള്, മറ്റ് അനുബന്ധവസ്തുക്കള് എന്നിവയ്ക്ക് കൊള്ളവില ഈടാക്കിയാല് കടുത്ത നടപടി ജില്ലാ കളക്ടര് നേരിട്ട് സ്വീകരിക്കും. ഈ നിരക്കുകള് അടിയന്തരമായി നടപ്പാക്കാന് തീരുമാനിച്ചതായും സര്ക്കാര് കോടതിയെ അറിയിച്ചു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !