സർക്കാരിന്റെ സത്യപ്രതിജ്ഞാ ചടങ്ങ് ഓണ്‍ലൈന്‍ പ്ലാറ്റ്ഫോമില്‍ നടത്തണം - ഐ എം എ

തിരുവനന്തപുരം: രണ്ടാം പിണറായി സർക്കാരിന്റെ സത്യപ്രതിജ്ഞാ ചടങ്ങ് ഓൺലൈൻ ആയി നടത്തണമെന്ന് ഐഎംഎ ആവശ്യപ്പെട്ടു. സർക്കാരിന്റെ സത്യപ്രതിജ്ഞാ ചടങ്ങ് ആൾക്കൂട്ടമില്ലാതെ വിർച്വൽ പ്ലാറ്റ് ഫോമിലേക്ക് മാറ്റുന്നത് പ്രതിരോധത്തിന്റെ വലിയൊരു സന്ദേശം കൂടി ജനങ്ങൾക്ക് നൽകുമെന്ന് കരുതുന്നതായും ഐഎംഎ പത്രക്കുറിപ്പിൽ പറഞ്ഞു.

ലോക് ഡൗൺ ഒരാഴ്ചത്തേക്കു കൂടി നീട്ടാൻ തീരുമാനിച്ച സർക്കാരിനെ അഭിനന്ദിക്കുന്നു. ലോക് ഡൗണിന്റെ ഫലപ്രദമായ വിന്യാസവും കോവിഡ് വാക്സിനും സോഷ്യൽ വാക്സിനും മാത്രമാണ് കോവിഡിനെ അതിജീവിക്കുവാൻ നമുക്ക് മുന്നിലുള്ള ശാസ്ത്രീയ മാർഗങ്ങളെന്നും ഐഎംഎ പ്രസ്താവനയിൽ വ്യക്തമാക്കി.

വലിയ ജനപിന്തുണ നേടി വീണ്ടും അധികാരത്തിൽ വരുന്ന സർക്കാരിനെ ആത്മാർത്ഥമായി അഭിനന്ദിക്കുകയും പിന്തുണ വാഗ്ദാനം ചെയ്യുകയും ചെയ്യുന്നു. കഴിഞ്ഞ തെരഞ്ഞെടുപ്പ് കാലത്ത് സാമൂഹിക അകലം പാലിക്കാതെയും മാസ്കുകൾ കൃത്യമായി ഉപയോഗിക്കാതെയുമൊക്കെ പ്രചാരണങ്ങളിൽ ഏർപ്പെട്ടതാണ് കോവിഡ് രണ്ടാം തരംഗത്തിന്റെ പല കാരണങ്ങളിലൊന്ന് എന്ന് വ്യാപകമായി കേരളം ചർച്ചചെയ്തതാണെന്നും ഐഎംഎ പ്രസ്താവനയിൽ ചൂണ്ടിക്കാട്ടി.

Content Highlight: IMA urges Kerala govt to conduct swearing-in ceremony online

ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ്  ന്റെ WhatsApp  ഗ്രൂപ്പിൽ അംഗമാവുക !