കൊവിഡ്-19 അഥവാ കൊറോണ വൈറസ്സിനെ പിടിച്ചുകെട്ടാനുള്ള യുദ്ധത്തിലാണ് ഇന്ന് രാജ്യം. ഈ വർഷം ജനുവരി ആരംഭിച്ച വാക്സിനേഷൻ ദൗത്യം രാജ്യത്ത് തുടരുകയാണ്. ഒരു വ്യക്തിക്ക് ആദ്യ ഡോസ് ലഭിച്ചുകഴിഞ്ഞാൽ ഉടൻ തന്നെ പ്രൊവിഷണൽ വാക്സിനേഷൻ സർട്ടിഫിക്കറ്റ് നേടാം. രണ്ട് ഡോസും സ്വീകരിച്ചതിന് ശേഷം ഒറിജിനൽ സർട്ടിഫിക്കറ്റ് ഡൗൺലോഡ് ചെയ്യാം.
വാക്സിൻ എടുത്തവർ അത് തെളിയിക്കുന്ന സർട്ടിഫിക്കറ്റ് കയ്യിൽ കരുതേണ്ടത് ഇനിയൊരുപക്ഷേ ആവശ്യകതയായി വരും. കൊറോണ വൈറസ് ബാധയേൽക്കാൻ സാദ്ധ്യത കുറവുള്ള വ്യക്തിയാണ് എന്ന് തെളിയിക്കുന്നതിനൊപ്പം ജില്ലാ, സംസ്ഥാനം, രാജ്യം വിട്ടുള്ള യാത്രകൾക്കും, വിവിധ സ്ഥാപനങ്ങളിൽ നേരിട്ട് ചെല്ലാനും, പൊതു പരിപാടികളിൽ പങ്കെടുക്കാനുമൊക്ക ഇനി വാക്സിനേഷൻ സർട്ടിഫിക്കറ്റ് ആവശ്യമായി വന്നേക്കും.
അതെ സമയം ഫോട്ടോഷോപ്പിന്റെ അനന്ത സാധ്യതകളുള്ള ഇക്കാലത്ത് വ്യാജമായി ഒരു കൊവിഡ് വാക്സിനേഷൻ സർട്ടിഫിക്കറ്റ് സർട്ടിഫിക്കറ്റ് നിർമ്മിക്കുക അത്ര ബുദ്ധിമുട്ടില്ല കാര്യമല്ല. വാക്സിനേഷൻ സർട്ടിഫിക്കറ്റിൽ പേര്, പ്രായം, ഐഡി, വാക്സിനേഷൻ വിശദാംശങ്ങൾ, ക്യുആർ കോഡ് എന്നിവയാണ് ഉൾക്കൊള്ളിച്ചിരിക്കുന്നത്. ഇതിൽ ക്യുആർ കോഡ് ഉപയോഗിച്ച് വ്യാജ സർട്ടിഫിക്കറ്റ് തിരിച്ചറിയാം.
വ്യാജനെ എങ്ങനെ തിരിച്ചറിയാം?
ഒരു സ്മാർട്ട്ഫോൺ അല്ലെങ്കിൽ ലാപ്ടോപ്പും (വെബ് ക്യാമെറയുള്ളത്) ഇന്റർനെറ്റ് കണക്ഷനും മാത്രമേ ആവശ്യമുള്ളൂ.
ഏതെങ്കിലും ഒരു ഇന്റർനെറ്റ് ബ്രൌസർ തുറന്ന് https://verify.cowin.gov.in/ എന്ന വെബ്സൈറ്റ് തുറക്കുക.
- വെബ്സൈറ്റിലെ “സ്കാൻ ക്യുആർ കോഡ്” ക്ലിക്ക് ചെയ്യുക. നിങ്ങളുടെ ഡിവൈസിന്റെ ക്യാമറ ഓൺ ആക്കാൻ ആവശ്യപ്പെടും.
- പരിശോധിക്കേണ്ട സർട്ടിഫിക്കറ്റിലെ ക്യുആർ കോഡിലേക്ക് ക്യാമറ ചൂണ്ടിക്കാണിച്ച് സ്കാൻ ചെയ്യുക. (പ്രിന്റ് എടുത്ത സർട്ടിഫിക്കറ്റ് ആണെങ്കിലും ഡിജിറ്റൽ സർട്ടിഫിക്കറ്റ് ആണെങ്കിലും സ്കാൻ ചെയ്യാം).
- യഥാർത്ഥമായ സർട്ടിഫിക്കറ്റ് ആണെങ്കിൽ 'സർട്ടിഫിക്കറ്റ് സക്സെസ്ഫുളി വെരിഫൈഡ്' എന്ന് പ്രദർശിപ്പിക്കുന്നതോടൊപ്പം പേര്, പ്രായം, ലിംഗഭേദം, റഫറൻസ് ഐഡി, വാക്സിനേഷൻ സ്വീകരിച്ച തിയതി തുടങ്ങിയ വിവരങ്ങളും പ്രത്യക്ഷപ്പെടും.
- സർട്ടിഫിക്കറ്റ് വ്യാജമെങ്കിൽ 'സർട്ടിഫിക്കറ്റ് ഇൻവാലിഡ്' എന്ന് എഴുതിക്കാണിക്കും.
വാക്സിനേഷൻ സർട്ടിഫിക്കറ്റിൽ തെറ്റുകൾ തിരുത്താം
വാക്സിനേഷൻ സർട്ടിഫിക്കറ്റിൽ നിങ്ങളുടെ പ്രാഥമിക വിവരങ്ങൾ തെറ്റായെന്ന് രേഖപ്പെടുത്തിയിരിക്കുന്നത് എങ്കിൽ തിരുത്താം. ഒരു തവണ മാത്രമേ വാക്സിനേഷൻ സർട്ടിഫിക്കറ്റ് തിരുത്താൻ അനുവാദമുള്ളൂ. ഇതിനായി
- www.cowin.gov.in വെബ്സൈറ്റ് തുറന്ന് മുകളിൽ വലതുവശത്തുള്ള രജിസ്റ്റർ/സൈൻ ഇൻ ബട്ടൺ ക്ലിക്ക്ചെയ്യുക.
- നിങ്ങളുടെ റജിസ്റ്റർ ചെയ്ത ഫോൺ നമ്പറും ഫോൺ നമ്പറിൽ ലഭിച്ച ഒടിപിയും നൽകി സൈൻ ഇൻ ചെയ്യുക.
- അക്കൗണ്ട് ഡീറ്റെയിൽസ് സെക്ഷനിൽ നിന്നും 'റൈസ് ആൻ ഇഷ്യൂ' ടാബ് ക്ലിക്ക് ചെയ്യുക.
- ലിസ്റ്റിൽ നിന്നും പേര് തിരുത്തേണ്ട വ്യക്തിയുടെ ഭാഗം ക്ലിക്ക് ചെയ്യുക. (കുടുംബങ്ങളുടെ പേര് രെജിസ്റ്റർ ചെയ്തിട്ടുണ്ടെങ്കിൽ)
- സർട്ടിഫിക്കറ്റ് ഓപ്ഷനിൽ കറക്ഷൻ ടൈപ്പ് ചെയ്യുക.
- പേര്, ജനന തിയതി, ലിംഗംഭേദം എന്നിവയിൽ ആവശ്യമായ മാറ്റങ്ങൾ വരുത്തി രെജിസ്റ്റർ ചെയ്യുക.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !