കൊവിഡ് അവലോകന യോഗത്തില് ക്ഷുഭിതനായി മുഖ്യമന്ത്രി പിണറായി വിജയന്. ലോക്ഡൗണ് തുടര്ന്നിട്ടും വ്യാപനം കുറയാത്തതിലാണ് മുഖ്യമന്ത്രി അതൃപ്തി പ്രകടിപ്പിച്ചത്.
ടിപിആര് അടിസ്ഥാനത്തില് നിയന്ത്രണങ്ങള് തുടരണോയെന്നും യോഗത്തില് മുഖ്യമന്ത്രി സംശയം പ്രകടിപ്പിച്ചു. മറ്റു ശാസ്ത്രീയ മാര്ഗങ്ങള് അന്വേഷിക്കണമെന്ന് മുഖ്യമന്ത്രി ആവശ്യപ്പെട്ടു. ഇതിന് വിദഗ്ധ സമിതിയെ ചുമതലപ്പെടുത്തി. ബുധനാഴ്ചയ്ക്കകം റിപ്പോര്ട്ട് നല്കാനാണ് നിര്ദേശം.
അതേസമയം, പ്രതിമാസം ഒരു കോടി പേര്ക്ക് കോവിഡ് വാക്സിന് നല്കാന് കേരളത്തിന് ശേഷിയുണ്ടെന്ന് മുഖ്യമന്ത്രി പറഞ്ഞു. 4 ലക്ഷം ഡോസ് വാക്സിന് കഴിഞ്ഞ ദിവസം നമുക്ക് കൊടുക്കാനായി. ആഴ്ചയില് 25 ലക്ഷം ഡോസ് വാക്സിന് എന്ന നിലയ്ക്ക് മാസത്തില് ഒരു കോടി ഡോസ് നല്കാനാവും. ഇക്കാര്യം ചൂണ്ടിക്കാട്ടി കൂടുതല് വാക്സിനുവേണ്ടി കേന്ദ്ര സര്ക്കാരിനെ സമീപിക്കുമെന്ന് യോഗത്തില് മുഖ്യമന്ത്രി പറഞ്ഞു.
ക്ലസ്റ്ററുകള് വരുന്ന പ്രദേശങ്ങളുടെ അടിസ്ഥാനത്തില് മൈക്രോ കണ്ടെയ്ന്മെന്റ് മേഖലകള് പ്രഖ്യാപിച്ച് നിയന്ത്രണം ശക്തിപ്പെടുത്തും. ടൂറിസ്റ്റുകള്ക്ക് പ്രയാസം സൃഷ്ടിക്കാന് പാടില്ല. ആഭ്യന്തര ടൂറിസം ശക്തിപ്പെടുത്തുന്ന നിലപാടെടുക്കണം. ടൂറിസത്തിന്റെ ഭാഗമായി പ്രവര്ത്തിക്കുന്ന ഹോട്ടലുകള്ക്കെതിരെ അനാവശ്യ ഇടപെടല് പാടില്ല. മത്സ്യത്തൊഴിലാളികള്ക്കുള്ള വാക്സിനേഷന് സൗകര്യം വര്ദ്ധിപ്പിക്കണമെന്നും മുഖ്യമന്ത്രി പറഞ്ഞു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !