ന്യൂഡല്‍ഹി: സ്‌റ്റേറ്റ് ബാങ്ക് ഓഫ് ഇന്ത്യ പണം പിന്‍വലിക്കുന്നതിനുള്ള പരിഷ്‌കരിച്ച ചട്ടങ്ങള്‍ ഇന്ന് പ്രാബല്യത്തില്‍. സേവിംഗ്‌സ് ബാങ്ക് അക്കൗണ്ടില്‍ നിന്ന് പണം പിന്‍വലിക്കുന്നതിനാണ് പുതിയ നിരക്കുകള്‍ പ്രാബല്യത്തില്‍ വരുന്നത്.
എടിഎം സേവനം, ബ്രാഞ്ചിലെത്തിയുള്ള പണം പിന്‍വലിക്കല്‍, ചെക്ക് ബുക്ക് ഉപയോഗം എന്നീ സേവനങ്ങള്‍ക്കുള്ള ഫീസാണ് പുതുക്കിയിട്ടുള്ളത്. ഓരോ മാസത്തിലും നാല് ഇടപാടുകള്‍ വീതം സൗജന്യമായി ലഭിക്കും. തുടര്‍ന്നുള്ള സേവനങ്ങള്‍ക്കാണ് അക്കൗണ്ട് ഉടമകളില്‍ നിന്ന് ഫീസ് ഈടാക്കുന്നത്.
ഓരോ ഇടപാടിനും 15 രൂപയ്ക്ക് പുറമേ ജിഎസ്ടിയും അടക്കമാണ് ഫീസ് ഈടാക്കുന്നത്. ചെക്ക്ബുക്ക് ഉപയോഗിച്ച്‌ പിന്‍വലിക്കാവുന്ന പണത്തിന്റെ പരിധി ഒരു ലക്ഷം രൂപയാക്കിയിട്ടുണ്ട്. പാസ്ബുക്കിനൊപ്പം പിന്‍വലിക്കാനുള്ള ഫോം കൂടി ഉപയോഗിച്ച്‌ പിന്‍വലിക്കാവുന്ന പണത്തിന്റെ പരിധി 25000 രൂപയാക്കി നിശ്ചയിച്ചിട്ടുണ്ട്.
സീറോ ബാലന്‍സ് അക്കൗണ്ട് ഉടമകള്‍ക്ക് ഒരു സാമ്ബത്തിക വര്‍ഷത്തില്‍ പത്ത് ചെക്കുകള്‍ മാത്രമേ സൗജന്യമായി അനുവദിക്കൂ. അധികമായി ആവശ്യമുള്ള ചെക്കുകള്‍ക്കും പണം അടയ്ക്കണം.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !