സംസ്ഥാനത്ത് ഒറ്റപ്പെട്ട ശക്തമായ മഴ തുടരുമെന്ന് കാലാവസ്ഥാ വകുപ്പ്. ഇതേ തുടര്ന്ന് എട്ട് ജില്ലകളില് യെല്ലോ അലര്ട്ട് (Yellow alert) പ്രഖ്യാപിച്ചു. കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, കാസര്ഗോഡ് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചത്.
അറബിക്കടലിലും ബംഗാള് ഉള്ക്കടലിലും ന്യൂനമര്ദവും ചക്രവാത ചുഴിയും നിലനില്ക്കുന്നതാണ് കേരളത്തില് മഴ ശക്തമായി തുടരാന് കാരണമായത്. മണിക്കൂറില് 60 കിലോ മീറ്റര് വരെ വേഗത്തില് കാറ്റ് വീശാന് സാധ്യതയുള്ളതിനാല് മത്സ്യതൊഴിലാളികള് കടലില് പോകരുത്.
ബംഗാള് ഉള്ക്കടലില് ആന്ഡമാന് കടലില് സ്ഥിതി ചെയ്യുന്ന ന്യുനമര്ദ്ദം ശക്തമായ ന്യൂനമര്ദ്ദമായി മാറും. തുടര്ന്ന് പടിഞ്ഞാറ് - വടക്കു പടിഞ്ഞാറ് ദിശയില് സഞ്ചരിച്ച് ബുധനാഴ്ചയോടെ (നവംബര് 17) മധ്യ കിഴക്കന്-തെക്കു കിഴക്കന് ബംഗാള് ഉള്ക്കടലില് തീവ്രന്യുനമര്ദ്ദമായി ശക്തി പ്രാപിക്കും. വ്യാഴാഴ്ചയോടെ(നവംബര് 18) ആന്ധ്രാപ്രദേശ് തീരത്ത് കരയില് പ്രവേശിക്കാനുമാണ് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !