കണ്ണൂർ: കണ്ണൂരിൽ ബോംബേറിൽ യുവാവ് കൊല്ലപ്പെട്ടു. ഏച്ചൂർ സ്വദേശി ജിഷ്ണു (26) ആണ് കൊല്ലപ്പെട്ടത്. ഇന്നുച്ചയ്ക്ക് രണ്ടരയോടുകൂടി ആക്രമണം ഉണ്ടാകുകയായിരുന്നു എന്നാണ് വിവരം. കണ്ണൂർ നഗരത്തിൽ നിന്ന് 10 കിലോമീറ്റർ മാറി തോട്ടട എന്ന സ്ഥലത്താണ് സംഭവം നടന്നത്.
ഇന്നലെ രാത്രി ഒരു വിവാഹവീട്ടിൽവച്ച് കല്യാണചടങ്ങുമായി ബന്ധപ്പെട്ട് രണ്ട് സംഘങ്ങൾ തമ്മിൽ വാക്കേറ്റമുണ്ടായിരുന്നു. ഉച്ചഭാഷിണി ഉപയോഗിക്കുന്നതുമായി ബന്ധപ്പെട്ടായിരുന്നു തർക്കം. ഇതിന് പിന്നാലെ ഇന്നുച്ചയോടെ വിവാഹവീട്ടിലേയ്ക്ക് പോവുകയായിരുന്ന ഒരു സംഘത്തിനുനേരെ മറ്റൊരു സംഘം ബോംബേറ് നടത്തുകയായിരുന്നു. ആക്രമണത്തിൽ മൂന്ന് പേർക്ക് ഗുരുതരമായി പരിക്കേറ്റു. ഒരു വീടിന് മുന്നിലായിരുന്നു ആക്രമണം നടന്നത്. ബോംബെറിഞ്ഞ ശേഷം അക്രമികൾ ഓടി രക്ഷപ്പെട്ടു. ഒരു സംഘം കല്യാണ വീട്ടിലെത്തി ബോംബെറിഞ്ഞെന്നും നാട്ടുകാർ പറഞ്ഞു പൊലീസ് വിശദാംശങ്ങൾ ശേഖരിക്കുകയാണ്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !