കാലിഫോര്ണിയ: ലോകത്തിലെ ഏറ്റവും സമ്ബന്നനും ടെസ്ല, സ്പേസ്എക്സ് കമ്ബനികളുടെ സ്ഥാപകനുമായ ഇലോണ് മസ്ക് ട്വിറ്റര് പൂര്ണമായി ഏറ്റെടുത്തു.
4400 കോടി ഡോളറിന് (3.67 ലക്ഷം കോടി രൂപ) ആണ് കരാര് ഒപ്പിട്ടത്. ഇതോടെ ഓഹരിവിപണിയുടെ ഭാഗമായിരുന്ന ട്വിറ്റര് പൂര്ണമായും സ്വകാര്യ കമ്ബനിയായി മാറും.
മസ്കിന്റെ ഏറ്റെടുക്കല് പദ്ധതി ഐകകണ്ഠ്യേനയാണ് ട്വിറ്റര് ബോര്ഡ് ഓഫ് ഡയറക്ടേഴ്സ് അംഗീകരിച്ചത്. ഓഫറിന് അനുകൂലമായി തീരുമാനമെടുക്കാരന് ഓഹരി ഉടമകളില് നിന്ന് സമ്മര്ദ്ദമുണ്ടായിരുന്നു. തുടര്ന്ന് അടിയന്തര പ്രാധാന്യത്തോടെ ബോര്ഡ് അംഗങ്ങള് ചര്ച്ച നടത്തി. അര്ധരാത്രിയായിരുന്നു പ്രഖ്യാപനം.
ഫോര്ബ്സ് പട്ടികയില് ഏറ്റവും സമ്ബന്നനായ വ്യക്തിയാണ് ഇലോണ് മസ്ക്. അടുത്തിടെയാണ് അദ്ദേഹം ട്വിറ്ററില് ഓഹരി പങ്കാളിയായത്. ട്വിറ്ററിന്റെ 9.2 ശതമാനം ഓഹരികളാണ് അദ്ദേഹം ആദ്യം സ്വന്തമാക്കിയത്. പിന്നാലെയാണ് കമ്ബനിയെ ഏറ്റെടുക്കാന് സജ്ജമാണെന്ന് മസ്ക് അറിയിച്ചത്. മസ്ക് മോഹ വില വാഗ്ദാനം ചെയ്തതിനാല് നിക്ഷേപകരും സമ്മര്ദം ചലുത്തി.
തന്റെ വിമര്ശകര് പോലും ട്വിറ്ററില് തുടരുമെന്നാണ് പ്രതീക്ഷിക്കുന്നതെന്നും അതാണ് അഭിപ്രായസ്വാതന്ത്ര്യം കൊണ്ട് അര്ത്ഥമാക്കുന്നതെന്നാണ് മസ്കിന്റെ വാക്കുകള്.അഭിപ്രായ സ്വാതന്ത്ര്യമുള്ള യഥാര്ത്ഥ പ്ലാറ്റ്ഫോം ആയി മാറണമെങ്കില് ട്വിറ്റര് സ്വകാര്യ ഉടമസ്ഥതയിലുള്ളതാവണം എന്നാണ് മസ്കിന്റെ നിലപാട്.
Content Highlights: Elon Musk acquires Twitter; 3.67 lakh crore
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !