കോഴിക്കോട്: നടിയും മോഡലുമായ യുവതിയെ ദുരൂഹസാഹചര്യത്തില് മരിച്ച നിലയില് കണ്ടെത്തി. കാസര്കോട് ചെറുവത്തൂര് സ്വദേശി ഷഹന(20) ആണ് മരിച്ചത്. ജനലഴിയില് തൂങ്ങിമരിച്ച നിലയിലായിരുന്നു യുവതിയുടെ മൃതദേഹം. പറമ്പില് ബസാര് സ്വദേശിയായ ഭര്ത്താവ് സജാദിനെ പൊലീസ് കസ്റ്റഡിയിലെടുത്തിട്ടുണ്ട്. ഇയാളെ ചോദ്യം ചെയ്യുകയാണ്.
ഇന്നലെ രാത്രി 11.30 കഴിഞ്ഞാണ് ഷഹനയെ വാടകവീട്ടില് മരിച്ച നിലയില് കണ്ടെത്തിയത്. ഒന്നര വര്ഷം മുന്പാണ് സജാദും ഷഹനയും തമ്മില് വിവാഹം നടന്നത്. ഇരുവരും തമ്മില് തര്ക്കങ്ങള് പതിവായിരുന്നെന്ന് ആരോപണമുണ്ട്. സംഭവ ദിവസവും വഴക്കുണ്ടായതായി ബന്ധുക്കള് ആരോപിക്കുന്നു. മരണത്തില് ദുരൂഹതയുണ്ടെന്നാണ് ഇവര് പറയുന്നത്. അസ്വാഭാവിക മരണമായാണ് കണക്കാക്കി ആര്.ഡി.ഒ.യുടെ നേതൃത്വത്തില് ഇന്ക്വസ്റ്റ് നടപടികള് നടത്താനാണ് ചേവായൂര് പൊലീസിന്റെ തീരുമാനം.
Content Highlights: Actress and model found dead; Husband in custody
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !