യു.എ.ഇ: ലോകത്ത് കുറ്റകൃത്യങ്ങള്‍ കുറഞ്ഞ സുരക്ഷിത നഗരങ്ങളുടെ പട്ടികയില്‍ അബുദാബി. ഗുരുതര കുറ്റകൃത്യങ്ങള്‍ 57.1% കുറഞ്ഞതായി അബുദാബി പൊലീസ് വ്യക്തമാക്കി. റോഡപകട മരണനിരക്കിലും 16% കുറവുണ്ട്.
ആഗോള ഡേറ്റാ പ്ലാറ്റ്‌ഫോമായ നമ്ബിയോയുടെ 2021ലെ സര്‍വേയിലും തുടര്‍ച്ചയായ ആറാം വര്‍ഷവും ലോകത്തിലെ ഏറ്റവും സുരക്ഷിതമായ നഗരമായി അബുദാബി തിരഞ്ഞെടുക്കപ്പെട്ടിരുന്നു.
അടിയന്തര ഘട്ടങ്ങളില്‍ സുരക്ഷാ ഉദ്യോഗസ്ഥര്‍ എത്തുന്ന സമയം 31.92 ശതമാനമായി മെച്ചപ്പെടുകയും ചെയ്തു. പൊലീസ് അടക്കം സമസ്ത മേഖലകളും ചേര്‍ന്നു നടത്തിയ കഠിനാധ്വാനമാണ് ലോകത്തെ സുരക്ഷിത നഗരങ്ങളില്‍ ഒന്നായി അബുദാബിയെ മാറ്റിയതെന്ന് അബുദാബി പൊലീസ് കമാന്‍ഡര്‍-ഇന്‍-ചീഫ് മേജര്‍ ജനറല്‍ സ്റ്റാഫ് പൈലറ്റ് ഫാരിസ് അല്‍ മസ്റൂയി പറഞ്ഞു. സുരക്ഷയും ജനങ്ങളുടെ ജീവിത നിലവാരവും മെച്ചപ്പെടുത്തി.
2021ല്‍ മധ്യപൂര്‍വദേശ, ആഫ്രിക്കന്‍ മേഖലയില്‍ ഏറ്റവും സുരക്ഷിത നഗരമെന്ന ബഹുമതി തുടര്‍ച്ചയായി അഞ്ചാം വര്‍ഷവും അബുദാബി നിലനിര്‍ത്തി. സൈബര്‍ കുറ്റകൃത്യങ്ങള്‍ 29.7%, മോഷണം 33.83%, ലഹരി മരുന്നു കേസ് 47.1% കുറഞ്ഞു. ഇക്കണോമിസ്റ്റ് ഇന്റലിജന്‍സ് യൂണിറ്റിന്റെ അനലിറ്റിക്കല്‍ ഇക്കണോമിസ്റ്റ് മാസികയുടെ സര്‍വേയില്‍ വ്യക്തിഗത സുരക്ഷാ സൂചികയില്‍ അബുദാബി 29ല്‍ നിന്ന് 11-ാം സ്ഥാനത്തേക്ക് ഉയര്‍ന്നു.
Content Highlights: Abu Dhabi is one of the safest cities in the world
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !