മുഖ്യമന്ത്രിക്കെതിരെ വിമാനത്തില് വച്ച് നടന്ന പ്രതിഷേധത്തില് നടപടിയുമായി പൊലീസ്. മൂന്ന് യൂത്ത് കോണ്ഗ്രസ് പ്രവര്ത്തകര്ക്കെതിരെ വധശ്രമക്കേസെടുത്തു. യൂത്ത് കോണ്ഗ്രസ് മട്ടന്നൂര് ബ്ലോക്ക് പ്രസിഡന്റ് ഫര്സീന് മജീദ്, ജില്ലാ സെക്രട്ടറി ആര് കെ നവീന് അടക്കമുള്ളവര്ക്കെതിരെയാണ് കേസ്. ഇവര്ക്കെതിരെ വധശ്രമം, ഔദ്യോഗിക ഡ്യൂട്ടി തടസ്സപ്പെടുത്തല്, എയര് ക്രാഫ്റ്റ് സുരക്ഷയെ ബാധിക്കുന്ന അതിക്രമം എന്നീ വകുപ്പുകളാണ് ചുമത്തിയത്.
വിമാനത്തിനുള്ളില് വെച്ച് ശാരീരികമായും വാക്കുകള് കൊണ്ടും ഒരാള് ഉപദ്രവിക്കാന് ശ്രമിച്ചുവെന്ന് വ്യക്തമായാല് ഷെഡ്യൂള് 6 പ്രകാരം ഒരു വര്ഷം കഠിനതടവോ, അഞ്ചുലക്ഷം രൂപ പിഴയോ അല്ലെങ്കില് രണ്ടും കൂടിയോ അനുഭവിക്കേണ്ടി വരും. ഇത്തരത്തില് വാക്കുകളാല് മറ്റ് യാത്രക്കാരെ ഉപദ്രവിക്കുന്നവരെ മൂന്ന് മാസം വിമാനയാത്രയില് നിന്ന് വിലക്കാം. മറ്റുള്ളവരെ ശാരീരികമായി ഉപദ്രവിക്കുന്നവരെ ആറ് മാസവും വിലക്കാം. ഇന്ത്യന് എയര്ക്രാഫ്റ്റ് റൂള് പ്രകാരം വിമാനത്തില്, ഒരാളും മറ്റാരെയും ഉപദ്രവിക്കുകയോ ഭീഷണിപ്പെടുത്തുകയോ ഭയപ്പെടുത്തുകയോ ചെയ്യുന്നതിന് വിലക്കുണ്ട്.
മുഖ്യമന്ത്രിയുടെ ഗണ്മാന് അനിലിന്റെ മൊഴിയുടെയും ഇന്ഡിഗോ ഗ്രൗണ്ട് മാനേജരുടെ കത്തിന്റെയും അടിസ്ഥാനത്തിലാണ് കേസെടുത്തത്. സംഭവത്തിന്റെ വീഡിയോ ദൃശ്യങ്ങളും പുറത്തുവന്നിരുന്നു. മുഖ്യമന്ത്രിക്കെതിരായ പ്രതിഷേധത്തിന് പിന്നാലെ സംസ്ഥാന വ്യാപകമായി വലിയ സംഘര്ഷങ്ങളാണ് റിപ്പോര്ട്ട് ചെയ്യുന്നത്. നിരവധി കോണ്ഗ്രസ് ഓഫീസുകള്ക്ക് നേരെ ആക്രമണമുണ്ടായി. പലയിടത്തും കോണ്ഗ്രസ്-സിപിഎം പ്രവര്ത്തകര് ഏറ്റുമുട്ടി.
Content Highlights: Plane protest: Attempted murder case against three Youth Congressmen
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !