കൊല്ലം: വിനോദയാത്ര പുറപ്പെടും മുൻപ് കുട്ടികളെ ആവേശത്തിലാക്കാനായി ബസിന് മുകളിൽ നടത്തിയ അഭ്യാസപ്രകടനം അപകടത്തിൽ കലാശിച്ചു. രണ്ട് വലിയ പൂത്തിരി യാത്ര പുറപ്പെടുന്നതിന് മുൻപ് ബസിന് മുകളിൽ വച്ച് കത്തിച്ചു. പിന്നാലെ പൂത്തിരിയിൽ നിന്ന് ബസിലേയ്ക്ക് തീ പടർന്നു. ജീവനക്കാരൻ ബസിന് മുകളിൽ കയറി തീയണച്ചതിനാൽ തലനാരിഴയ്ക്ക് വലിയൊരു ദുരന്തം ഒഴിവായി.
കഴിഞ്ഞ മാസം 26ന് കൊല്ലം പെരുമൺ എഞ്ചിനീയറിംഗ് കോളേജിലാണ് സംഭവം നടന്നത്. മെക്കാനിക്കൽ വിഭാഗത്തിലെ കുട്ടികൾആറ് ദിവസത്തെ വിനോദയാത്രയ്ക്കായി മൂന്ന് ബസുകളാണ് ബുക്ക് ചെയ്തത്. ഇതിൽ ഒരെണ്ണത്തിന്റെ മുകളിലാണ് പൂത്തിരി കത്തിച്ചത്.
സംഭവവുമായി തങ്ങൾക്ക് ബന്ധമില്ലെന്ന് കോളേജ് അധികൃതർ അറിയിച്ചു. ബസ് ജീവനക്കാരുടെ അനാസ്ഥയാണിതെന്നും അവരാണ് പൂത്തിരി കത്തിച്ചതെന്നും കോളേജ് അധികൃതർ പറഞ്ഞു. സംഭവത്തിൽ മോട്ടോർ വാഹനവകുപ്പ് അന്വേഷണം ആരംഭിച്ചിട്ടുണ്ട്.
Content Highlights: A practice of lighting a candle on top of the bus to add excitement to the excursion, the bus eventually caught fire.
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !