കൊല്ലം: നീറ്റ് പരീക്ഷക്കിടെ കൊല്ലത്ത് പെണ്കുട്ടിയുടെ അടിവസ്ത്രം അഴിപ്പിച്ച സംഭവത്തില് വിശദീകരണവുമായി നാഷണല് ടെസ്റ്റിംഗ് ഏജന്സി (എന്ടിഎ).
സംഭവത്തില്, നേരിട്ടോ പരീക്ഷ സമയത്തോ ശേഷമോ പരാതി ലഭിച്ചിട്ടില്ലെന്ന് എന്ടിഎ വിശദീകരിക്കുന്നു. ആയൂര് മാര്ത്തോമ്മാ ഇന്സ്റ്റിറ്റ്യൂട്ട് ഓഫ് ഇന്ഫര്മേഷന് ആന്ഡ് ടെക്നോളജിയില് പരീക്ഷയെഴുതാനെത്തിയ വിദ്യാര്ഥിനികള്ക്കാണ് ദുരനുഭവം.
അടിവസ്ത്രം അഴിച്ചുള്ള പരിശോധന അനുവദനീയമല്ല. ഡ്രസ് കോഡില് ഇത്തരം നടപടികള് അനുവദിക്കുന്നില്ലെന്നും എന്ടിഎ പറയുന്നു. പെണ്കുട്ടിയുടെ വസ്ത്രത്തിന് മുകളില് ഒരു മെറ്റല് ബട്ടണ് ഉണ്ടായിരുന്നു. കുട്ടിയുടെ രക്ഷിതാവിനെ കോളജില് വിശ്രമിക്കാന് അനുവദിക്കാതിരുന്നതാണ് പരാതിക്ക് കാരണമെന്നും എന്ടിഎ വ്യക്തമാക്കുന്നു.
അതേസമയം, സംഭവത്തില് ആയൂരിലെ പരീക്ഷ കേന്ദ്രത്തിനെതിരെ പരാതിയുമായി കൂടുതല് പെണ്കുട്ടികള് രംഗത്തെത്തി. മോശം അനുഭവമാണ് ഉണ്ടായതെന്ന് പെണ്കുട്ടികള് പറയുന്നു. അടിവസ്ത്രം അഴിപ്പിച്ചതോടെ മുടി മുന്നിലേക്ക് ഇട്ട് ഇരുന്നാണ് പരീക്ഷ എഴുതിയത്. പരീക്ഷ കഴിഞ്ഞ് കോളജില് വച്ച് അടിവസ്ത്രം ഇടാന് അനുവദിച്ചില്ലെന്നും പെണ്കുട്ടികള് പരാതിപ്പെടുന്നു.
എന്നാല്, താന് നടത്തിയ അന്വേഷണത്തില് കുട്ടികളുടെ അടിവസ്ത്രം അഴിപ്പിച്ചതായി തെളിവ് കിട്ടിയിട്ടില്ലെന്നാണ് നീറ്റ് ജില്ലാ കോ- ഓര്ഡിനേറ്റര് എന്ജെ ബാബു പറയുന്നത്. വിവാദം എന്ടിഎ അന്വേഷിക്കും. ഇവരുടെ അന്വേഷണത്തിനൊടുവില് തുടര് നടപടി സ്വീകരിക്കുമെന്നും അദ്ദേഹം അറിയിച്ചു.
Content Highlights: NTA did not receive any complaint of undressing; Girls with more accusations
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !