മലയാള സിനിമ കണ്ട ഏറ്റവും ക്രൈം ത്രില്ലെർ മികച്ച ചിത്രങ്ങളിൽ ഒന്നാണ് ദൃശ്യം. മോഹൻലാലിനെ നായകനാക്കി ജീത്തു ജോസഫ് സംവിധാനം ചെയ്ത ചിത്രം വൻ വിജയമാണ് നേടിയത്. ചിത്രത്തിന്റെ രണ്ടാം ഭാഗത്തിനും മികച്ച പ്രേക്ഷക പ്രതികരണമായിരുന്നു ലഭിച്ചത്. കഴിഞ്ഞ കുറിച്ചുനാളുകളായി ദൃശ്യം 3യുമായി ബന്ധപ്പെട്ട വാർത്തകൾ സോഷ്യൽ മീഡിയയിൽ നിറഞ്ഞിരുന്നു. ഇപ്പോഴിതാ ദൃശ്യം 3 വരുന്നുവെന്ന് അറിയിച്ചിരിക്കുകയാണ് ചിത്രത്തിന്റെ നിർമാതാവായ ആന്റണി പെരുമ്പാവൂർ.
മഴവിൽ എന്റർടൈൻമെന്റ് അവാർഡിലാണ് ദൃശ്യം 3 ഉണ്ടാകുമെന്ന് ആന്റണി പെരുമ്പാവൂർ അറിയിച്ചിരിക്കുന്നത്. മോഹന്ലാലിന്റെ സാന്നിധ്യത്തില് തന്നെ ആയിരുന്നു ആന്റണിയുടെ പ്രഖ്യാപനം. പുതിയ പ്രഖ്യാപനം മോഹൻലാൽ ഫാൻസും സോഷ്യൽ മീഡിയയും ആഘോഷമാക്കുകയാണ് ഇപ്പോൾ.
അതെ സമയം കഴിഞ്ഞ കുറച്ച ദിവസങ്ങളായി ദൃശ്യം 3 യുടെ ഫാൻ മെയിഡ് പോസ്റ്ററുകൾ സമൂഹമാധ്യമങ്ങളിൽ തരംഗമായി മാറിയിരുന്നു.ദൃശ്യം 3 എന്ന ഹാഷ് ടാഗും ട്വിറ്ററിൽ ട്രെൻഡിങ് ആയി മുന്നേറിയിരുന്നു.
ചൈനീസ് ഭാഷയില് റീമേക്ക് ചെയ്ത ആദ്യ മലയാളം സിനിമകൂടിയാണ് ദൃശ്യം. ചിത്രത്തിന്റെ കഥ ലോകത്തിന്റെ ഏത് കോണിലുള്ളവരെയും ആകര്ഷിക്കുന്നതാണ്. 2013ല് റിലീസായ ദൃശ്യം അമേരിക്കയിലെ ന്യൂയോര്ക്കില് തുടര്ച്ചയായി 45 ദിവസമാണ് പ്രദര്ശിപ്പിച്ചത്. മലയാള സിനിമയുടെ ചരിത്രത്തിലെ ആദ്യത്തെ സംഭവമാണത്.
തമിഴില് കമല്ഹാസന് പാപനാശം എന്ന പേരിലാണ് ദൃശ്യം റിമേക്ക് ചെയ്തത്. മോഹന്ലാലിന്റെ ഭാര്യാ സഹോദരന് സുരേഷ് ബാലാജിയാണ് ചിത്രം നിര്മ്മിച്ചത്. ജിത്തുജോസഫ് തന്നെയാണ് സംവിധാനം നിര്വഹിച്ചത്. ചിത്രം കണ്ടിട്ട് ഹോളിവുഡ് സംവിധായകന് ക്രിസ്റ്റഫര് നോളന് കമല്ഹാസനെ അഭിനന്ദിച്ചിരുന്നു. ദൃശ്യം അതേപേരില് ബോളിവുഡില് മൊഴിമാറ്റിയപ്പോള് അജയ് ദേവ് ഗണായിരുന്നു നായകന്. ശ്രീയാശരണ് നായികയും. ഇങ്ങിനെ വിവിധ ഭാഷകളില് സൂപ്പര്ഹിറ്റായ ചിത്രത്തിന്റെ മൂന്നാം ഭാഗത്തിന് വലിയ വാണിജ്യ മൂല്യമാണുള്ളത്.
ദൃശ്യം 3നെ കുറിച്ച് മുൻപ് ജീത്തു ജോസഫ് പറഞ്ഞത്
''ദൃശ്യം ചെയ്തുകഴിഞ്ഞപ്പോള് രണ്ടാംഭാഗത്തെക്കുറിച്ച് സത്യമായിട്ടും ഒരു പ്ലാന് ഉണ്ടായിരുന്നതല്ല. ഒരു രണ്ടാംഭാഗം ഉണ്ടാക്കാന് പറ്റില്ലെന്നാണ് ഞാന് കരുതിയത്. കഥ തീര്ന്നു, സിനിമ അവസാനിച്ചു എന്നാണ് ധരിച്ചത്. പിന്നെ 2015ല് പലരും കഥയുണ്ടാക്കാന് തുടങ്ങിയപ്പോള് ആന്റണി പറഞ്ഞതനുസരിച്ച് ഞാന് ഒന്ന് ശ്രമിച്ചുനോക്കിയതാണ്. പക്ഷേ കിട്ടി. മൂന്നാംഭാഗത്തിന്റെ കാര്യം ഇപ്പോള് ഒന്നും പറയാന് പറ്റില്ല. കാരണം രണ്ടാംഭാഗം ഉണ്ടാവില്ലെന്ന് ആദ്യം പറഞ്ഞിട്ട് പിന്നെ ആ സിനിമ ചെയ്തു. നല്ലൊരു ഐഡിയ കിട്ടുകയാണെങ്കില് ഞാനത് ചെയ്യും.
പക്ഷേ അത് ഒരു ബിസിനസ് വശം കണ്ടിട്ട് ഞാന് ചെയ്യില്ല. ദൃശ്യം 3ന് അനുയോജ്യമായ നല്ലൊരു കഥ വന്നാല് തീര്ച്ചയായും ചെയ്യും. സത്യത്തില് ദൃശ്യം 3ന്റെ ക്ലൈമാക്സ് എന്റെ കൈയിലുണ്ട്. പക്ഷേ ക്ലൈമാക്സ് മാത്രമേ ഉള്ളൂ. വേറൊന്നുമില്ല. ഞാനത് ലാലേട്ടനുമായി പങ്കുവച്ചപ്പൊ അദ്ദേഹത്തിന് അത് ഇഷ്ടപ്പെടുകയും ചെയ്തു. പക്ഷേ ഈ ക്ലൈമാക്സിലേക്ക് എത്തിക്കണമെങ്കില് ഒരുപാട് സംഭവങ്ങള് വരണം. അതുകൊണ്ട് നടക്കണമെന്ന് നിര്ബന്ധമൊന്നുമില്ല.
ഞാനൊന്ന് ശ്രമിച്ചുനോക്കും. നടന്നില്ലെങ്കില് വിട്ടുകളയും. നടന്നാലും ഉടനെയൊന്നും നടക്കില്ല. രണ്ടുമൂന്ന് കൊല്ലമെങ്കിലും എടുക്കും. കാരണം തിരക്കഥ ഡെവലപ് ചെയ്ത് കിട്ടണമെങ്കില് അത്രയും സമയമെങ്കിലും എടുക്കുമെന്നാണ് എന്റെ തോന്നല്. ആറ് വര്ഷം എടുക്കുമെന്നാണ് ഞാന് ആന്റണിയോട് പറഞ്ഞത്. ആന്റണി പറഞ്ഞത് ആറ് വര്ഷം വലിയ ദൈര്ഘ്യമാണെന്നും രണ്ടുമൂന്ന് കൊല്ലത്തിനുള്ളില് സാധ്യമായാല് നല്ലതാണെന്നുമാണ്. നോക്കട്ടെ, ഉറപ്പൊന്നുമില്ലെന്ന് പറഞ്ഞിട്ടുണ്ട്.''
പക്ഷേ അത് ഒരു ബിസിനസ് വശം കണ്ടിട്ട് ഞാന് ചെയ്യില്ല. ദൃശ്യം 3ന് അനുയോജ്യമായ നല്ലൊരു കഥ വന്നാല് തീര്ച്ചയായും ചെയ്യും. സത്യത്തില് ദൃശ്യം 3ന്റെ ക്ലൈമാക്സ് എന്റെ കൈയിലുണ്ട്. പക്ഷേ ക്ലൈമാക്സ് മാത്രമേ ഉള്ളൂ. വേറൊന്നുമില്ല. ഞാനത് ലാലേട്ടനുമായി പങ്കുവച്ചപ്പൊ അദ്ദേഹത്തിന് അത് ഇഷ്ടപ്പെടുകയും ചെയ്തു. പക്ഷേ ഈ ക്ലൈമാക്സിലേക്ക് എത്തിക്കണമെങ്കില് ഒരുപാട് സംഭവങ്ങള് വരണം. അതുകൊണ്ട് നടക്കണമെന്ന് നിര്ബന്ധമൊന്നുമില്ല.
ഞാനൊന്ന് ശ്രമിച്ചുനോക്കും. നടന്നില്ലെങ്കില് വിട്ടുകളയും. നടന്നാലും ഉടനെയൊന്നും നടക്കില്ല. രണ്ടുമൂന്ന് കൊല്ലമെങ്കിലും എടുക്കും. കാരണം തിരക്കഥ ഡെവലപ് ചെയ്ത് കിട്ടണമെങ്കില് അത്രയും സമയമെങ്കിലും എടുക്കുമെന്നാണ് എന്റെ തോന്നല്. ആറ് വര്ഷം എടുക്കുമെന്നാണ് ഞാന് ആന്റണിയോട് പറഞ്ഞത്. ആന്റണി പറഞ്ഞത് ആറ് വര്ഷം വലിയ ദൈര്ഘ്യമാണെന്നും രണ്ടുമൂന്ന് കൊല്ലത്തിനുള്ളില് സാധ്യമായാല് നല്ലതാണെന്നുമാണ്. നോക്കട്ടെ, ഉറപ്പൊന്നുമില്ലെന്ന് പറഞ്ഞിട്ടുണ്ട്.''
Content Highlights: 'Georjukutty' is back with 'Drisham 3'
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !