കോഴിക്കോട് : വിദേശത്ത് നിന്നും യാത്രക്കാരന്‍ അനധികൃതമായി കടത്തികൊണ്ടു വന്ന സ്വര്‍ണ്ണം, കരിപ്പൂര്‍ വിമാനത്താവളത്തിന് പുറത്തെത്തിക്കാന്‍ കസ്റ്റംസ് സൂപ്രണ്ട് ആവശ്യപ്പെട്ടത് 25000 രൂപ.
കരിപ്പൂര്‍ വിമാനത്താവളത്തില്‍ സ്വര്‍ണ്ണം കടത്തിയ രണ്ട് കാസര്‍കോട് സ്വദേശികളില്‍ നിന്നാണ് ഇയാള്‍ 25000 രൂപ ആവശ്യപ്പെട്ടത്. കടത്തികൊണ്ടു വന്ന സ്വര്‍ണ്ണവും പാസ്പോര്‍ട്ടും എയര്‍പോര്‍ട്ടിന് പുറത്തെത്തിച്ച്‌ പണം വാങ്ങുകയായിരുന്നു ഇയാളുടെ രീതി.
ഇയാളുടെ പക്കല്‍ നിന്നും കടത്തു സ്വര്‍ണവും മുറിയില്‍ നടത്തിയ പരിശോധനയില്‍ അഞ്ചു ലക്ഷത്തോളം രൂപയും നാലു പാസ്പോര്‍ട്ടുകളും വിദേശ കറന്‍സികളും പിടിച്ചെടുത്തു. നേരത്തെയും സ്വര്‍ണ്ണ കടത്തിനു ഒത്താശ ചെയ്തതിനു തെളിവുകളും പൊലീസിന് ലഭിച്ചു.
ആദ്യമായിട്ടാണ് സംസ്ഥാനത്ത് ഇത്രയും ഉയര്‍ന്ന കസ്റ്റംസ് ഉദ്യോഗസ്ഥന്‍ സ്വര്‍ണ്ണം കടത്തിയതിന് പിടിയിലായത്. കാസര്‍കോട് സ്വദേശികളായ രണ്ട് യാത്രക്കാര്‍ സ്വര്‍ണ്ണം ഒളിപ്പിച്ചു കൊണ്ടു വരുന്നെന്ന രഹസ്യവിവരം കരിപ്പൂര്‍ പൊലീസിന് ലഭിച്ചിരുന്നു. പുറത്തെത്തിയ ഇവരെ ചോദ്യം ചെയ്തതില്‍ നിന്നാണ് കസ്റ്റംസ് സൂപ്രണ്ടിനുള്ള പങ്കിനെ കുറിച്ചുള്ള വിവരം ലഭിച്ചത്. പുറത്തെത്തിയ സൂപ്രണ്ട് പി മുനിയപ്പയെ പരിശോധിച്ചപ്പോള്‍ 320 ഗ്രാം സ്വര്‍ണ്ണം കണ്ടെടുത്തു. പുറത്ത് വച്ചു 25000 രൂപ പ്രതിഫലമായി നല്‍കിയാല്‍ സ്വര്‍ണവും വിമാനതവളത്തിന് അകത്തു നിന്നും കടത്തുകാരില്‍ നിന്നും വാങ്ങിവെച്ച പാസ്പോര്‍ട്ടും തിരിച്ചു നല്‍കാമെന്നായിരുന്നു ധാരണ.
Content Highlights: Collusion for gold debt; Gold, cash and 4 passports were seized from the hands of the Superintendent of Customs
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !