കോഴിക്കോട്: വീണ്ടും വിവാഹിതനാകുന്ന വിവരം ഫേസ്ബുക്കില് പങ്കുവെച്ച് സിസ്റ്റര് ലിനിയുടെ ഭര്ത്താവ് സജീഷ്.
ഞാനും മക്കളും പുതിയ ഒരു ജീവിതത്തിലേക്ക് കാലെടുത്ത് വെയ്ക്കുകയാണെന്നാണ് സജീഷ് ഫേസ്ബുക്ക് കുറിപ്പിലൂടെ അറിയിക്കുന്നത്. റിതുലിനും സിദ്ധാര്ത്ഥിനും ഇനി അമ്മയും ചേച്ചിയുമായി ഇവരും കൂടെ ഉണ്ടാകും. ഈ വരുന്ന ആഗസ്റ്റ് 29 ന് വടകര ലോകനാര് കാവ് ക്ഷേത്രത്തില് വെച്ച് വിവാഹിതരാവുകയാണെന്നും ഇതുവരെ നിങ്ങള് നല്കിയ എല്ലാ കരുതലും സ്നേഹവും കൂടെ തന്നെ വേണം. എല്ലാവരുടെയും അനുഗ്രഹവും പ്രാര്ത്ഥനകളും ആശംസകളും ഞങ്ങളോടൊപ്പം ഉണ്ടാകണമെന്നും സജീഷ് കുറിച്ചു.
നിപ മഹാമാരിക്കെതിരെ പോരാടി മരിച്ച സിസ്റ്റര് ലിനി വിടവാങ്ങിയിട്ട് നാല് വര്ഷമായി. പേരാമ്ബ്ര താലൂക്ക് ആശുപത്രിയില് ജോലി ചെയ്തിരുന്ന ലിനിക്ക് നിപാ ബാധിതരെ ശുശ്രൂഷിക്കുന്നതിനിടെയാണ് വൈറസ് ബാധയേറ്റത്. അര്പ്പണ ബോധത്തോടെ രോഗബാധിതരെ ശുശ്രൂഷിച്ച ലിനി ആരോഗ്യ പ്രവര്ത്തകര്ക്കാകെ മാതൃകയായി മാറിയിരുന്നു. സമാധാനത്തിന്റെ മാലാഖയായാണ് കേരളം ലിനിയെ നെഞ്ചേറ്റിയിരുന്നത്. അതേ സ്നേഹം തന്നെയാണ് കുടുംബത്തിനും കേരളം നല്കുന്നത്. ഇപ്പോള് വിവാഹ വാര്ത്ത അറിയിച്ച ഭര്ത്താവ് സജീഷിന് ഭാവുകങ്ങള് നേരുകയാണ് മലയാളികള്.
Content Highlights: Sister Lin's husband shares the news that he is getting married again
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !