ഇന്ത്യ തന്നെ ആസ്ഥാനമാക്കിയ സോഷ്യല് കോമേഴ്സ് പ്ലാറ്റ്ഫോമായ മീഷോയുടെ ഗ്രോസറി ബിസിനസായ സൂപ്പര്സ്റ്റോര് ഭൂരിഭാഗം പ്രവര്ത്തനങ്ങളും അവസാനിപ്പിച്ചതായി റിപ്പോര്ട്ട്.
സൂപ്പര്സ്റ്റാര് ഡെലിവറി നടത്തിയിരുന്ന 90 ശതമാനം നഗരങ്ങളിലുമാണ് സേവനം അവസാനിപ്പിച്ചിരിക്കുന്നത്. നിലവില് മൈസൂര്, നാഗ്പൂര് എന്നീ നഗരങ്ങളില് മാത്രമാണ് സൂപ്പര് സ്റ്റാറിന്റെ പ്രവര്ത്തനം തുടരുന്നത്. ഇതിനെ തുടര്ന്ന് നിരവധി പേര്ക്ക് തൊഴില് നഷ്ടമായി. മീഷോയുടെ ഈ നടപടിയെ തുടര്ന്ന് 300 ഓളം പേര്ക്ക് തൊഴില് നഷ്ടപ്പെട്ടതായി ഐഎന്സി 42വിന്റെ റിപ്പോര്ട്ട് വ്യക്തമാക്കി. എന്നാല് മീഷോ ഈ വാര്ത്തകളെ കുറിച്ച് ഇനിയും പ്രതികരിച്ചിട്ടില്ല.
ഏപ്രിലിലാണ് മീഷോ തങ്ങളുടെ ഗ്രോസറി ബിസിനസിന് സൂപ്പര്സ്റ്റോര് എന്ന് പേര് നല്കിയത്. ഫെര്മിസോ എന്ന പേരിലാണ് മുമ്ബ് മീഷോ ഗ്രോസറി ബിസിനസ് നടത്തിയിരിക്കുന്നത്. ടൈര് 2, ടൈര് 1 മാര്ക്കറ്റുകളിലെ ഉപഭോക്താക്കളിലേക്ക് കൂടുതല് ഫലപ്രദമായി സേവനം എത്തിക്കുക എന്ന ലക്ഷ്യത്തോടെയായിരുന്നു മീഷോ സൂപ്പര് സ്റ്റോറുകളുടെ പ്രവര്ത്തനം ആരംഭിച്ചത്. എന്നാല് ഫെര്മിസോ സൂപ്പര്സ്റ്റോറായി മാറിയപ്പോള് 150 ഓളം തൊഴിലാളികള്ക്ക് ജോലി നഷ്ടമായിരുന്നു. മീഷോയുടെ ആപ്പില് തന്നെ സൂപ്പര്സ്റ്റോറും ഉള്പ്പെടുത്താന് തീരുമാനിച്ചതിനാലായിരുന്നു ആളുകള്ക്ക് അന്ന് തൊഴില് നഷ്ടമായത്.
അതിന് മുമ്ബ് കോവിഡ് മഹാമാരിയുടെ സമയത്ത് മീഷോ തങ്ങളുടെ 200 - ഓളം തൊഴിലാളികളെ പിരിച്ച് വിട്ടിരുന്നു. ഐഎന്സി 42വിന്റെ റിപ്പോര്ട്ട് അനുസരിച്ച് അധിക ചിലവും കുറഞ്ഞ വരുമാനവുമാണ് മീഷോ സൂപ്പര് സ്റ്റോറുകളുടെ പ്രവര്ത്തനം അവസാനിപ്പിക്കാനുള്ള കാരണം. കര്ണാടക, തെലങ്കാന, ആന്ധ്രപ്രദേശ്, ഗുജറാത്ത്, മധ്യപ്രദേശ്, മഹാരാഷ്ട്ര എന്നീ സംസ്ഥാനങ്ങളില് ആയിരുന്നു മീഷോ സൂപ്പര്സ്റ്റോറുകളുടെ പ്രവര്ത്തനം ഉണ്ടായിരുന്നതും. റിപ്പോര്ട്ടുകള് അനുസരിച്ച് തൊഴിലാളികളെ പിരിച്ച് വിടുന്നതനുബന്ധിച്ച് 2 മാസത്തെ ശമ്ബളം നല്കുമെന്നും അറിയിച്ചിട്ടുണ്ട്.
Content Highlights: Social commerce platform Meesho's 'Superstore' has shut down
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !