പ്രസിദ്ധമായ തിരുപ്പതി ക്ഷേത്രത്തിന് ഒരു കോടി രൂപ സംഭാവന നല്‍കി ചെന്നൈ സ്വദേശികളായ മുസ്ലിം ദമ്പതികള്‍. തിരുമല, തിരുപ്പതി ക്ഷേത്രങ്ങളുടെ മാനേജ്‌മെന്റ് ട്രസ്റ്റായ ടിടിഡി (തിരുമല തിരുപ്പതി ദേവസ്ഥാനം) ക്കാണ് ദമ്പതികള്‍ പണം കൈമാറിയത്. ദമ്പതികളായ സുബീന ബാനുവും അബ്ദുള്‍ ഖാനിയും ചൊവ്വാഴ്ച തിരുപ്പതി ക്ഷേത്രത്തിലെത്തി സംഭാവന ട്രസ്റ്റ് ഭാരവാഹികളെ ഏല്‍പ്പിക്കുകയായിരുന്നു.
തിരുമലയില്‍ പുതുതായി പണി കഴിപ്പിച്ച പദ്മാവതി റെസ്റ്റ് ഹൗസിന് 87 ലക്ഷം രൂപ വില വരുന്ന ഫര്‍ണിച്ചറുകളും അന്ന പ്രസാദം ട്രസ്റ്റിന് 15 ലക്ഷവും ദമ്പതികള്‍ സംഭാവന നല്‍കി. ടിടിഡി ട്രസ്റ്റിന്റെ പ്രസിഡന്റായ എവി ധര്‍മ്മ റെഡ്ഡിയാണ് സംഭാവന കൈപ്പറ്റിയത്.
ഹൈദരാബാദില്‍ നിന്ന് 600 കിലോമീറ്റര്‍ മാറി ചിറ്റൂര്‍ ജില്ലയിലാണ് തെക്കെ ഇന്ത്യയിലെ പ്രധാനപ്പെട്ട ഹിന്ദു ആരാധനാലയമായ തിരുപ്പതി ശ്രീ വെങ്കടേശ്വര ക്ഷേത്രം സ്ഥിതി ചെയ്യുന്നത്.
A Chennai-based couple Subeena Banu & Abdul Ghani donated Rs 1 cr to Tirumala Tirupati Devasthanams
— ANI (@ANI) September 20, 2022
The donation includes Rs 87 lakh worth of furniture & utensils for the newly constructed Padmavathi Rest House & a DD for Rs 15 lakh towards SV Anna Prasadam Trust (20.09) pic.twitter.com/jdZBfYyJAb
കഴിഞ്ഞ ഫെബ്രുവരിയില്‍ ചെന്നൈയില്‍ നിന്നുള്ള 76-കാരനായ ഒരു വിശ്വാസി ക്ഷേത്രത്തിന് 9.2 കോടി സംഭാവന നല്‍കിയിരുന്നു. ഇയാള്‍ ഈയടുത്ത് മരണപ്പെടുകയും അയാളുടെ ആഗ്രഹപ്രകാരം സഹോദരി 6 കോടി വില വരുന്ന സ്ഥലവും 3.2 കോടിയുടെ ഡിമാന്‍ഡ് ഡ്രാഫ്റ്റും ടിടിഡി ബോര്‍ഡ് ചെയര്‍മാന്‍ വൈവി സുബ്ബ റെഡ്ഡിക്ക് കൈമാറിയിരുന്നു.
Content Highlights: A donation of Rs 1 crore by a Muslim couple to the temple
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !