കേരളത്തിലെ വിവാഹമോചനങ്ങളില് പരാമർശവുമായി ഹൈക്കോടതി. ഉപയോഗിച്ച് വലിച്ചെറിയുന്ന ഉപഭോക്തൃ സംസ്കാരം വിവാഹബന്ധങ്ങളെ ബാധിച്ചെന്നാണ് പരാമർശം. ജീവിതം ആസ്വദിക്കുന്നതിന് തടസമാകുന്ന തിന്മയായാണ് പുതിയ തലമുറ വിവാഹത്തെ കാണുന്നതെന്ന് കോടതി നിരീക്ഷിച്ചു. വിവാഹമോചനം ആവശ്യപ്പെട്ട് ആലപ്പുഴ സ്വദേശിയായ യുവാവ് നല്കിയ ഹര്ജി തള്ളിക്കൊണ്ടാണ് ഉത്തരവ്. ജസ്റ്റിസുമാരായ മുഹമ്മദ് മുസ്താഖ്, സോഫി തോമസ് എന്നിവരടങ്ങിയ ഡിവിഷന് ബെഞ്ചിന്റെ ഉത്തരവിലാണ് വിവാദ പരാമർശം.
'ദൈവത്തിന്റെ സ്വന്തം നാടെന്നറിയപ്പെടുന്ന കേരളം ഒരു കാലത്ത് ശക്തമായ കുടുംബ ബന്ധങ്ങള്ക്ക് പ്രസിദ്ധമായിരുന്നു. എന്നാല് ദുര്ബലവും സ്വാര്ഥവുമായ കാര്യങ്ങള്ക്കും, വിവാഹേതര ബന്ധങ്ങള്ക്കുമായി വിവാഹബന്ധം ഉപേക്ഷിക്കുന്നതാണ് ഇപ്പോഴത്തെ പ്രവണത. വിവാഹമോചിതരും, ഉപേക്ഷിക്കപ്പെട്ട കുട്ടികളും ജനസംഖ്യയില് ഭൂരിപക്ഷമായാല് അത് സമൂഹത്തിന്റെ ശാന്തതയെ ബാധിക്കുകയും വളര്ച്ച മുരടിപ്പിക്കുകയും ചെയ്യും. ബാധ്യതകള് ഇല്ലാതെ ജീവിതം ആസ്വദിക്കുന്നതിന് വിവാഹം തടസമാണെന്നാണ് പുതുതലമുറ വിചാരിക്കുന്നത്. ഭാര്യ എന്നാല് എല്ലാക്കാലത്തേക്കുമുള്ള വിവേകമുള്ള നിക്ഷേപം എന്ന സങ്കല്പം മാറി എന്നന്നേക്കും ആശങ്ക ക്ഷണിച്ചുവരുത്തുന്നു എന്ന ചിന്താഗതിയാണ് ഇപ്പോള്. ഉപയോഗിക്കുക, വലിച്ചെറിയുക എന്ന ഉപഭോക്തൃ സംസ്കാരം വിവാഹബന്ധങ്ങളെയും ബാധിച്ചു. എപ്പോള് വേണമെങ്കിലും ഗുഡ് ബൈ പറഞ്ഞു പിരിഞ്ഞു പോകാവുന്ന ലീവ് ഇന് റിലേഷന്ഷിപ്പുകള് കേരളത്തില് വര്ധിക്കുന്നു' എന്നിങ്ങനെയാണ് ഉത്തരവിലെ പരാമര്ശങ്ങള്.
വിവാഹമോചനം ആവശ്യപ്പെട്ട് യുവാവ് നല്കിയ ഹര്ജി ആലപ്പുഴ കുടുംബക്കോടതി തള്ളിയിരുന്നു. ഇതിനെതിരെയാണ് ഹൈക്കോടതിയില് അപ്പീല് നല്കിയത്. ഭാര്യയില് നിന്നുള്ള പീഡനം സഹിക്കാനാകുന്നില്ലെന്ന് കാണിച്ചായിരുന്നു വിവാഹമോചനത്തിനുള്ള ഹർജി.
Content Highlights: 'Use-and-throw consumer culture has affected marriages too': HC
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !