തവനൂര്‍ ഗ്രാമപഞ്ചായത്തില്‍ ഒപ്പം ലഹരി വിരുദ്ധ ക്യാമ്പയിന്റെ ഭാഗമായി സംഘടിപ്പിക്കുന്ന ഫുട്‌ബോള്‍ ടൂര്‍ണമെന്റിന് തുടക്കമായി. 'കളിക്കാം കളമൊരുക്കാം ലഹരിക്കെതിരെ' എന്ന സന്ദേശവുമായി ഒരാഴ്ച നീണ്ടു നില്‍ക്കുന്ന ഫുട്‌ബോള്‍ ടൂര്‍ണമെന്റാണ് ഗ്രാമപഞ്ചായത്തിന്റെ നേതൃത്വത്തിലാണ് സംഘടിപ്പിക്കുന്നത്.
അയങ്കലം ദേര എഫ്.സി ടര്‍ഫ് കോര്‍ട്ടിലാണ് മത്സരം. ജൂനിയര്‍, സീനിയര്‍ വിഭാഗങ്ങളായുള്ള മത്സരത്തില്‍ പഞ്ചായത്തിലെ 49 ടീമുകള്‍ മത്സരത്തില്‍ പങ്കെടുക്കുന്നുണ്ട്. ഒരു വര്‍ഷം മുന്‍പ് ആരംഭിച്ച ഒപ്പം ലഹരി വിമുക്ത ക്യാമ്പയിന്റെ ഭാഗമായാണ് ലഹരിക്കെതിരെ ഫുട്‌ബോള്‍ മേള സംഘടിപ്പിക്കുന്നത്.
മുന്‍ തദ്ദേശവകുപ്പ് മന്ത്രി പാലോളി മുഹമ്മദ് കുട്ടി ടൂര്‍ണമെന്റ് ഉദ്ഘാടനം ചെയ്തു. പഞ്ചായത്ത് പ്രസിഡന്റ് സി.പി.നസീറ അധ്യക്ഷയായി. വൈസ് പ്രസിഡന്റ് ടി.വി.ശിവദാസ്, ജില്ലാ പഞ്ചായത്ത് അംഗം അഡ്വ. പി.പി. മോഹന്‍ ദാസ്, ബ്ലോക്ക് പഞ്ചായത്തംഗം എ.കെ.പ്രേമലത, പഞ്ചായത്തംഗം എ.പി. വിമല്‍, കെ.ലിഷ, പി.എസ് ധനലക്ഷമി, സി.എം മുഹമ്മദ് ബാബു, പി.സുരേന്ദ്രന്‍, കുറ്റിപ്പുറം സി.ഐ ശശീന്ദ്രന്‍ മേലയില്‍, പഞ്ചായത്ത് സെക്രട്ടി ടി.അബ്ദുള്‍ സലീം, ദേര എഫ്.സി ഉടമ കെ.കെ.മുഹമ്മദ് ഹനീഫ, എന്നിവര്‍ പങ്കെടുത്തു.
Content Highlights: Ball rolling, against intoxication; Tavanur Panchayat Football Tournament has started
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !