മലപ്പുറം ഭിന്നശേഷി സംവരണ വിഷയവുമായി ബന്ധപ്പെട്ട് അനവധി ഹയർ സെക്കണ്ടറി അധ്യാപക നിയമനങ്ങൾ വർഷങ്ങളായി അപ്രൂവൽ ലഭിക്കാതെ നീണ്ടുപോവുകയാണ്.
2014-15 കാലഘട്ടം മുതലുള്ള , പല കാരണങ്ങളാൽ നീണ്ടുപോയ നിയമനങ്ങളും ഇപ്പോൾ ഭിന്നശേഷി സംവരണത്തിൻ്റെ പേരിൽ തടഞ്ഞിരിക്കുകയാണ്.
10/08/2022 ലെ സിംഗിൾ ബഞ്ച് ഉത്തരവും , ഇപ്പോൾ 13/12/2022 ന് വന്നിട്ടുള്ള ഡിവിഷൻ ബഞ്ച് ഉത്തരവും നിയമന അംഗീകാരം കാത്തിരിക്കുന്ന അധ്യാപകർക്ക് ആശ്വാസത്തിന് വക നൽകുന്നില്ല.
നിയമനങ്ങൾ അംഗീകരിക്കപ്പെടണമെങ്കിൽ വ്യക്തമായ സർക്കാർ ഉത്തരവ് ആവശ്യമാണ്. ഇതിൻ്റെ പേരിൽ യോഗ്യതയുള്ള ഭിന്നശേഷിക്കാരായ ഉദ്യോഗാർത്ഥികളും ജോലിയിൽ പ്രവേശിക്കാനാവാതെയും അപ്രൂവലാ കാതെയും വിഷമിക്കുകയാണ്.
ഈ സാഹചര്യത്തിൽ നിയമന അംഗീകാരം കാത്തിരിക്കുന്ന അധ്യാപകരുടെ കാര്യത്തിൽ സർക്കാരിന്റെ ഭാഗത്തു നിന്ന് കൂടുതൽ ഫലപ്രദമായ ഇടപെടൽ ഉണ്ടാകേണ്ടതുണ്ട്.
ഇക്കാര്യം സർക്കാരിനെ ബോധ്യപ്പെടുത്തേണ്ടതിനു വേണ്ടി
17 ഡിസംബർ 2022 ശനിയാഴ്ച രാവിലെ 10 മണിക്ക് എയ്ഡഡ് ഹയർ സെക്കണ്ടറി ടീച്ചേർസിൻ്റെ (AHSTA ) നേതൃത്വത്തിൽ മലപ്പുറം കലക്ടേറ്റിനു മുൻപിൽ ധർണ്ണ നടത്തും.മുഖ്യമന്ത്രി, വിദ്യാഭ്യാസ മന്ത്രി എന്നിവർക്ക് സമർപ്പിക്കുന്ന ഭീമ ഹർജിയിൽ
അപ്രൂവലാകാത്ത അധ്യാപകരുടെ ഒപ്പുശേഖരണവും ഉണ്ടാകും .
കെ.പി.സി.സി. മുൻ ജന.സെക്രട്ടറി വി.എ.കരീം ഉദ്ഘാടനം ചെയ്യും.
എ.എച്ച് എസ്.ടി.എ സംസ്ഥാന ഓർഗനൈസിംഗ് സെക്രട്ടറി പ്രസിഡൻ്റ് അബ്ദുൾ നാസിർ എ.പി മുഖ്യ പ്രഭാഷണം നടത്തും.
ജില്ലാ പ്രസിഡൻറ് പി. ഇഫ്ത്തിക്കാറുദ്ധീൻ അധ്യക്ഷത വഹിക്കും.
സംസ്ഥാന സെക്രട്ടറി മനോജ് ജോസ് വിഷയാവതരണം നടത്തും.. ജില്ലാ സെക്രട്ടറി ഡോ.പ്രദീപ് കുമാർ കറ്റോട്,
സംസ്ഥാന കൗൺസിൽ അംഗങ്ങളായ യു.ടി.അബൂബക്കർ, വി.കെ രഞ്ജിത്ത്, ശ്യാം കെ , നൗഷാദ്, സുബൈർ കെ, ഉണ്ണിക്കൃഷ്ണൻ, ഡോ.അജിത് കുമാർ , എം.ടി മുഹമ്മദ് , സറീന,ജില്ല ട്രഷറർ എ സി പ്രവീൺ തുടങ്ങിയവർ പങ്കെടുക്കും.
Content Highlights: On December 17 against delay in approval of higher secondary teachers A protest dharna will be held.
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !