ന്യൂഡല്ഹി: കോവിഡ് വ്യാപനത്തിനെതിരെ ജാഗ്രത പുലര്ത്താനുള്ള കേന്ദ്രസര്ക്കാര് നിര്ദേശത്തിന് പിന്നാലെ, വിമാനത്താവളങ്ങളില് പരിശോധന ശക്തമാക്കി. രാജ്യാന്തര യാത്രക്കാരുടെ സ്രവസാംപിളുകള് ശേഖരിക്കുന്നത് പുനരാരംഭിച്ചു. കൊറോണ വൈറസ് റാന്ഡം പരിശോധനയാണ് തുടങ്ങിയത്.
നിലവില് രാജ്യത്ത് കൊറോണ വൈറസിന്റെ 10 വ്യത്യസ്ത വകഭേദങ്ങളാണുള്ളത്. ഏറ്റവും പുതിയ വേരിയന്റ് ബിഎഫ്.7 ആണ്. നിലവില് ഒമൈക്രോണിന്റെ വിവിധ വകഭേദങ്ങളാണ് രാജ്യത്ത് പ്രചരിക്കുന്നത്. അതേസമയം ഡെല്റ്റ വകഭേദം പൂര്ണമായും പോയിട്ടില്ലെന്നും ആരോഗ്യവിദഗ്ധര് വിലയിരുത്തുന്നു.
കോവിഡിനെതിരെ ജാഗ്രത തുടരണമെന്ന് കേന്ദ്ര ആരോഗ്യമന്ത്രാലയം നിർദേശിച്ചിട്ടുണ്ട്. ചൈന അടക്കമുള്ള വിദേശരാജ്യങ്ങളില് കോവിഡ് വ്യാപനം വീണ്ടും രൂക്ഷമായ പശ്ചാത്തലത്തിലാണ് കേന്ദ്രത്തിന്റെ നിര്ദേശം. കോവിഡ് ഇതുവരെ അവസാനിച്ചിട്ടില്ല. നിരീക്ഷണം ശക്തമാക്കാന് ബന്ധപ്പെട്ട എല്ലാവര്ക്കും നിര്ദേശം നല്കിയിട്ടുണ്ട്. ഏതു സാഹചര്യവും നേരിടാന് കേന്ദ്ര ആരോഗ്യമന്ത്രാലയം സജ്ജമാണെന്നും ഉന്നതതലയോഗത്തിന് ശേഷം കേന്ദ്ര ആരോഗ്യമന്ത്രി മന്സുഖ് മാണ്ഡവ്യ പറഞ്ഞു.
ജനക്കൂട്ടങ്ങളുള്ള സ്ഥലം, അടച്ചിട്ട സ്ഥലം തുടങ്ങി എല്ലാ സ്ഥലത്തും ജനങ്ങള് മാസ്ക് നിര്ബന്ധമായും ധരിക്കണമെന്ന് നീതി ആയോഗ് ( ഹെല്ത്ത്) അംഗം ഡോ. വി കെ പോള് ആവശ്യപ്പെട്ടു. ഗുരുതര രോഗങ്ങളുള്ളവരും പ്രായമായവരും ഇത് കര്ശനമായും പാലിക്കണം. രാജ്യത്ത് 27-28 ശതമാനം പേര് മാത്രമാണ് മുന് കരുതല് ഡോസ് സ്വീകരിച്ചിട്ടുള്ളത്. പ്രായമേറിയവര് നിര്ബന്ധമായും കരുതല് ഡോസ് സ്വീകരിക്കണം. പ്രതിരോധത്തിന്റെ ഭാഗമായി എല്ലാവരും കരുതല് ഡോസ് സ്വീകരിക്കാന് തയ്യാറാകണമെന്നും ഡോ. വി കെ പോള് ആവശ്യപ്പെട്ടു.
Content Highlights: Covid: Checks have been intensified at airports
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !