ജിദ്ദ: ഹൃദയാഘാതത്തെ തുടർന്ന് ജിദ്ദയിൽ രണ്ട് മലയാളികൾ മരിച്ചു. മലപ്പുറം എ.ആർ നഗർ സ്വദേശി പണ്ടാരപ്പെട്ടി അബ്ദുൽ കരീം (55), പാലക്കാട് ഒറ്റപ്പാലം ചുനങ്ങാട് സ്വദേശി പുത്തൻ പീടിയേക്കൽ സൈതലവി (55) എന്നിവരാണ് മരിച്ചത്. നെഞ്ചുവേദനയെ തുടർന്ന് ഇരുവരെയും ആശുപത്രിയിൽ പ്രവേശിപ്പിച്ചെങ്കിലും മരിക്കുകയായിരുന്നു. അബ്ദുൽ കരീം സനാബീൽ ഡിസ്ട്രിക്ടിൽ ബഖാല ജീവനക്കാരനായിരുന്നു.
സൈതലവി അമീർ ഫവാസിൽ ഹൗസ് ഡ്രൈവറായും ജോലി ചെയ്തുവരികയായിരുന്നു. കുഞ്ഞിമൂസ, കുഞ്ഞാമി ദമ്പതികളുടെ മകനാണ് അബ്ദുൽ കരീം. കുഞ്ഞാലിയുടെയും പാത്തുമ്മയുടെയും മകനാണ് സൈതലവി. ഇരുവരുടെയും മയ്യിത്തുകൾ ജിദ്ദയിൽ ഖബറടക്കുന്നതിനുള്ള നടപടിക്രമങ്ങൾ ജിദ്ദ കെ.എം.സി.സി വെൽഫെയർ വിങിന്റെ നേതൃത്വത്തിൽ നടന്നുവരുന്നു.
Content Highlights: heart attack; Residents of Malappuram and Palakkad died in Jeddah
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !