നോര്ക്ക റൂട്ട്സിന്റെയും സ്റ്റേറ്റ് ബാങ്ക് ഓഫ് ഇന്ത്യയുടേയും ആഭിമുഖ്യത്തില് പ്രവാസി സംരംഭകര്ക്കായി സംഘടിപ്പിക്കുന്ന പ്രവാസി ലോണ് മേളയ്ക്ക് ഡിസംബര് 19 മുതല് തുടക്കമാകും. നോര്ക്ക റൂട്ട്സ് എന്.ഡി.പി.ആര്.ഇ.എം പദ്ധതിയുടെ ഭാഗമായാണ് ലോണ് മേള സംഘടിപ്പിക്കുന്നത്. സിസംബര് 21 വരെയാണ് മേള. മേളയുടെ സംസ്ഥാനതല ഉദ്ഘാടനം എസ്.ബി.എ മലപ്പുറം റീജിയണല് ഓഫീസില് പി. ഉബൈദുളള എം.എല്.എ നിര്വഹിക്കും. നോര്ക്ക റൂട്ട്സ് റസിഡന്റ് വൈസ് ചെയര്മാന് പി. ശ്രീരാമകൃഷ്ണന് അധ്യക്ഷനാവും. മലപ്പുറം നഗരസഭാ സ്ഥിരം സമിതി ചെയര്മാന് സക്കീര് ഹുസൈന്, എസ്.ബി.ഐ മലപ്പുറം റീജിയനല് മാനേജര് എസ് മിനിമോള്, ചീഫ് മാനേജര് അന്നമ്മ സെബാസ്റ്റ്യന്, നോര്ക്കാ റൂട്ട്സ് പ്രതിനിധികള് എന്നിവരും സംബന്ധിക്കും. എന്.ഡി.പി.ആര്.ഇ.എം പദ്ധതിയെ സംബന്ധിച്ച് നോര്ക്ക റൂട്ട്സ് കേഴിക്കോട് സെന്റര് മാനേജര് അബ്ദുള് നാസര് വാക്കയില് ചടങ്ങില് വിശദീകരിക്കും.
രണ്ടുവര്ഷത്തില് കൂടുതല് വിദേശത്ത് ജോലി ചെയ്ത് സ്ഥിരമായി നാട്ടില് മടങ്ങി വന്ന പ്രവാസികള്ക്ക് മേളയില് പങ്കെടുക്കാം. മലപ്പുറത്ത് എസ്.ബി.ഐ റീജിയനല് ബിസിനസ് ഓഫീസിലാണ് വായ്പാ മേള നടക്കുക. നോര്ക്ക റൂട്ട്സിന്റെ www.norkaroots.org വഴി രജിസ്റ്റര് ചെയ്തവര്ക്ക് മാത്രമേ ലോണ് മേളയില് പങ്കെടുക്കാന് കഴിയൂ. കൂടുതല് വിവരങ്ങള്ക്ക് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വീസ്) ബന്ധപ്പെടാവുന്നതാണ്.
പ്രവാസജീവിതം അവസാനിപ്പിച്ച് നാട്ടില് തിരിച്ചെത്തുന്നവരുടെ പുനരധിവാസത്തിനായി സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാക്കുന്ന നോര്ക്ക ഡിപ്പാര്ട്ട്മെന്റ് പ്രൊജക്റ്റ് ഫോര് റീട്ടേണ്ഡ് എമിഗ്രന്സ് പദ്ധതി പ്രകാരമാണ് വായ്പാ മേള. പ്രവാസി സംരംഭങ്ങള്ക്ക് ഒരു ലക്ഷം രൂപ മുതല് പരമാവധി 30 ലക്ഷം രൂപ വരെയുളള വായ്പകളാണ് പദ്ധതി പ്രകാരം അനുവദിക്കുക. കൃത്യമായ വായ്പാ തിരിച്ചടവിന് 15 ശതമാനം മൂലധന സബ്സിഡിയും (പരമാവധി മൂന്നു ലക്ഷം രൂപ വരെ) മൂന്ന് ശതമാനം പലിശ സബ്സിഡിയും (ആദ്യത്തെ നാലു വര്ഷം) പദ്ധതി വഴി സംരംഭകര്ക്ക് ലഭിക്കും. തിരിച്ചെത്തിയ പ്രവാസികള്ക്ക് സ്വയം തൊഴിലോ ബിസിനസ് സംരംഭങ്ങളോ തുടങ്ങുന്നതിനും നിലവിലുളളവ വിപുലപ്പെടുത്തുന്നതിനും സഹായകരമാകുന്നതാണ് നോര്ക്ക റൂട്ട്സ് എന്.ഡി.പി.ആര്.ഇ.എം പദ്ധതി. എന്ഡിപിആര്ഇഎംപദ്ധതി സംസ്ഥാനത്തെ 18 ബാങ്കിങ്, ധനകാര്യസ്ഥാപനങ്ങളുടെ 6000 ത്തോളം ശാഖകള് വഴി ലഭ്യമാണ്. വിശദവിവരങ്ങള് നോര്ക്ക റൂട്ട്സ് വെബ്സൈറ്റില് ലഭിക്കും.
Content Highlights: NORCA - SBI Pravasi Loan Fair From December 19
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !