വളാഞ്ചേരി: പച്ചക്കറി കടയുടെ മറവിൽ കഞ്ചാവ് വിൽപ്പന നടത്തിവന്ന രണ്ട് പേരെ വളാഞ്ചേരി പോലീസ് പിടികൂടി.
പച്ചക്കറി കടയുടമ മുഹമ്മദ് ആഷിഖ് (24 വയസ്സ്) കല്ലിങ്ങൽ ഹൗസ് കരേക്കാട് ,സെയിൻസ് മാൻ അഫ്സൽ (25 വയസ്സ്) മണ്ണീത്ത് തൊടി ഹൗസ് പുറമണ്ണൂർ എന്നിവരെയാണ് വളാഞ്ചേരി പോലീസ് അറസ്റ്റ് ചെയ്തത്.
ചൊവ്വാഴ്ച വൈകീട്ടാണ് വൈക്കത്തൂരിലെ പച്ചക്കറി കടയിൽ കഞ്ചാവ് വിൽപ്പനക്കായുള്ള പൊതികൾ സഹിതം പോലീസ് യുവാവിനെ വലയിലാക്കിയത്‌. അന്വേഷണത്തിൽ യുവാവ് കഞ്ചാവ് വിറ്റിരുന്നത് പച്ചക്കറി കട ഉടമയായ ആഷിഖിൻ്റെ ആവശ്യപ്രകാരമായിരുന്നുവെന്ന് യുവാവ് പോലീസിന് മൊഴി നൽകി.
തുടർന്നാണ് കട ഉടമയെയും പോലീസ് പിടികൂടിയത്. പൊതികളിലായി സൂക്ഷിച്ച 35 ഗ്രാം കഞ്ചാവാണ് പിടികൂടിയതെങ്കിലും ഇവർ ഏറെ നാളായി പച്ചക്കറി കടയുടെ മറവിൽ കഞ്ചാവ് വിൽപ്പന നടത്തി വരികയായിരുന്നു. കഞ്ചാവ് വിൽപ്പനക്കായി ഉപയോഗിക്കുന്ന ബൈക്കും പോലീസ് പിടിച്ചെടുത്തിട്ടുണ്ട്.
Content Highlights: Ganja trade under cover of vegetable shop in Valancherry: Two arrested
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !