രാജ്യത്ത് ഒരു പൗരന്റെ പ്രധാനപ്പെട്ട രേഖകളില്‍ ഒന്നാണ് ആധാര്‍ കാര്‍ഡും പാൻ കാര്‍ഡും. ആധാറും പാനും ബന്ധിപ്പിക്കുന്നതിനുള്ള സമയപരിധി 2023 ജൂണ്‍ 30-ന് അവസാനിച്ചു.
പാൻ ആധാറുമായി ബന്ധിപ്പിച്ചില്ലെങ്കില്‍ ജൂലൈ 1 മുതല്‍ പാൻ കാര്‍ഡ് പ്രവര്‍ത്തന രഹിതമാകുമെന്ന് ആദായ നികുതി വകുപ്പ് അറിയിച്ചിട്ടുണ്ട്. അതിനാല്‍ അസാധുവായ പാൻ കാര്‍ഡ് ആധാറുമായി ബന്ധിപ്പിച്ചാല്‍ മാത്രമേ ഇനി ഉപയോഗിക്കാൻ കഴിയുകയുള്ളു. നിങ്ങളുടെ പാൻ പ്രവര്‍ത്തനക്ഷമമാണോ എന്ന് പരിശോധിക്കാനുള്ള ഒരു മാര്‍ഗ്ഗം നിങ്ങളുടെ ഫോം 26 എഎസ് ഉപയോഗിച്ചാണ്.
ഫോം 26 എഎസ് ഉപയോഗിച്ച്‌ നിങ്ങളുടെ പാൻ പ്രവര്‍ത്തനക്ഷമമാണോ എന്ന് എങ്ങനെ പരിശോധിക്കാം…
ഘട്ടം 1: ആദായ നികുതി വകുപ്പിന്റെ ഔദ്യോഗിക പോര്‍ട്ടല്‍ https://www.incometax.gov.in/iec/foportal/ ലോഗിൻ ചെയ്യുക.
സ്റ്റെപ്പ് 2: ഇ ഫയല്‍ ടാബിന് താഴെയുള്ള ഇൻകം ടാക്സ് റിട്ടേണ്‍സില്‍ ക്ലിക്ക് ചെയ്യുക.
ഘട്ടം 3: ലിസ്റ്റില്‍ നിന്ന്, ഫോം 26 എഎസ് എന്നതില്‍ ക്ലിക്ക് ചെയ്യുക. ടിക്ക് ബോക്സും ക്ലിക്ക് ചെയ്ത് മുന്നോട്ട് പോകുക എന്നതില്‍ ക്ലിക്ക് ചെയ്യുക.
ഘട്ടം 4: നികുതി ക്രെഡിറ്റ് കാണുക എന്നതില്‍ ക്ലിക്ക് ചെയ്യുക.
ഘട്ടം 5: പാൻ നിലവിലെ നിലയ്ക്ക് കീഴില്‍, നിങ്ങളുടെ പാൻ സജീവവും പ്രവര്‍ത്തനക്ഷമവുമാണോ എന്ന് നിങ്ങള്‍ക്ക് കാണാൻ കഴിയും.
നിങ്ങളുടെ പാൻ സ്റ്റാറ്റസ് പ്രവര്‍ത്തനരഹിതമാണെങ്കില്‍, 1,000 രൂപ ഫീസ് അടച്ച്‌ നിശ്ചിത അതോറിറ്റിയെ ആധാര്‍ അറിയിച്ചാല്‍ 30 ദിവസത്തിനുള്ളില്‍ അത് വീണ്ടും പ്രവര്‍ത്തനക്ഷമമാക്കാം.
പാൻ സാധുവാണോ അസാധുവാണോ എന്ന് എങ്ങനെ പരിശോധിക്കാം?
ഘട്ടം 1: ഇ-ഫയലിംഗ് പോര്‍ട്ടല്‍ ഹോംപേജിലേക്ക് പോകുക.
ഘട്ടം 2: ഇ-ഫയലിംഗ് ഹോംപേജില്‍ നിങ്ങളുടെ പാൻ പരിശോധിച്ചുറപ്പിക്കുക ക്ലിക്ക് ചെയ്യുക.
ഘട്ടം 3: 'വെരിഫൈ യുവര്‍ പാൻ' പേജില്‍, നിങ്ങളുടെ പാൻ നമ്ബര്‍, മുഴുവൻ പേര്, ജനനത്തീയതി, മൊബൈല്‍ നമ്ബര്‍ എന്നിവ നല്‍കി തുടരുക ക്ലിക്കുചെയ്യുക.
ഘട്ടം 4: 6 അക്ക ഒട്ടിപി നല്‍കി സ്ഥിരീകരിക്കുക.
Content Highlights: Aadhaar – PAN Linking Deadline Expired; Let's check whether PAN is working
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !