മലയാളികളുടെ സ്വന്തം ദാസനും വിജയനുമാണ് ഇത്തവണ ട്രെൻഡായിരിക്കുന്നത്. മോഹൻലാലും ശ്രീനിവാസനും അവിസ്മരണീയമാക്കി തീർത്ത എക്കാലത്തെയും ഹിറ്റ് കോംബോ ദാസന്റെയും വിജയന്റെയും ചിത്രങ്ങൾ പങ്കുവെച്ചത് നടൻ അജു വർഗീസാണ്. ചിരട്ട എന്ന ഇൻസ്റ്റാഗ്രാം പേജിലാണ് എ ഐ ചിത്രങ്ങൾ പ്രത്യക്ഷപ്പെട്ടത്.. ഷെർലക് ഹോംസിന്റെയും ജോൺ വാട്സന്റെയും ചിത്രങ്ങളിൽ പേസ്റ്റ് ചെയ്ത ദാസന്റെയും വിജയന്റെയും മുഖങ്ങളാണ് ചിത്രങ്ങളിൽ കാണാൻ സാധിക്കുന്നത്.
മമ്മൂട്ടി, മോഹൻലാൽ, ഫഹദ് ഫാസിൽ എന്നിവരുടെ മുഖം ഉപയോഗിച്ച് ആർട്ടിഫിഷ്യൽ ഇന്റലിജൻസിന്റെ സഹായത്തോടെ ഫ്രാന്‍സിസ് ഫോര്‍ഡ് കൊപ്പോളയുടെ ഗോഡ് ഫാദർ എന്ന ചിത്രത്തിലേക്ക് കോപ്പി പേസ്റ്റ് ചെയ്ത വീഡിയോ ഈയിടെ സോഷ്യൽ മീഡിയയിൽ ചർച്ചയായിരുന്നു. വിനയ് ഫോർട്ട്, സിദ്ദാർഥ് ഭരതൻ എന്നിവർ വീഡിയോ സോഷ്യൽ മീഡിയയിൽ പങ്കുവെച്ചിരുന്നു. എന്നാൽ ഇനി ഇത്തരം വീഡിയോ താന്‍ ഉണ്ടാക്കില്ലെന്ന് വീഡിയോയുടെ സൃഷ്ടാവായ ടോം ആന്റണി വ്യക്തമാക്കിയിരുന്നു. ഒരു ഫോട്ടോ കിട്ടിയാല്‍ ആര്‍ക്ക് വേണമെങ്കിലും ഇത്തരം വീഡിയോ ഉണ്ടാക്കാമെന്നും വേണമെങ്കില്‍ പോണ്‍ വീഡിയോ ഉണ്ടാക്കാമെന്നും സാമൂഹ്യമാധ്യമങ്ങളില്‍ പങ്കുവെച്ച വീഡിയോയില്‍ ടോം പറഞ്ഞു. വേറെ ഒരാളുടെ മുഖം വെച്ച്, പെര്‍മിഷനില്ലാതെ ഇനി വീഡിയോസ് ഉണ്ടാക്കില്ലെന്നും ടോം വ്യക്തമാക്കിയിരുന്നു.
Content Highlights: This time trending through artificial intelligence (AI) photo is Malayali's own 'Dasan and Vijayan'.
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !