ചെറിയ തുകകളുടെ ട്രാൻസാക്ഷൻ ലളിതമായും എളുപ്പത്തിലും ചെയ്യാനായി യുപിഐ ലൈറ്റ് അവതരിപ്പിച്ച് ഗൂഗിൾ പേ. പിൻ ഉപയോഗിക്കാതെ തന്നെ ചെറിയ പേയ്‌മെന്റുകൾ നടത്താനായി ഉപയോക്താക്കളെ അനുവദിക്കുന്ന സംവിധാനത്തോടെയാണ് യുപിഐ ലൈറ്റ് അവതരിപ്പിച്ചിട്ടുള്ളത്. നേരത്തെ നടത്തുന്ന യുപിഐ പേയ്‌മെന്റുകളെ വെച്ച് താരതമ്യം ചെയ്യുമ്പോൾ തിരക്കേറിയ സമയങ്ങളിൽ പോലും അതിവേഗ പേയ്‌മെന്റുകൾ നടത്താൻ യുപിഐ ലൈറ്റ് സാങ്കേതികവിദ്യ ഉപയോക്താക്കളെ അനുവദിക്കുന്നു. രാജ്യത്തെ രണ്ടാമത്തെ വലിയ യൂണിഫൈഡ് പേയ്‌മെന്റ് ഇന്റർഫേസ് (യുപിഐ) പ്ലാറ്റ്‌ഫോമാണ് ഗൂഗിൾ പേ.
നിലവിലുള്ള യുപിഐ ആപ്പ് വഴി തന്നെ യുപിഐ ലൈറ്റ് ഉപയോക്താക്കൾക്ക് ഉപയോഗിക്കാം. ഇതേ അക്കൗണ്ടിൽ ഉപയോക്താക്കൾക്ക് യുപിഐ ലൈറ്റ് വാലറ്റ് സൃഷ്ടിക്കാം. ഇതിൽ 2000 രൂപ വരെ ഉപയോക്താക്കൾക്ക് സ്റ്റോർ ചെയ്യാവുന്നതാണ്. ഇതുവഴി 200 രൂപ വരെ മൂല്യമുള്ള ഇടപാടുകൾ പിൻ ആവശ്യമില്ലാതെ തന്നെ നടത്താനാകും. ഒരുദിവസം രണ്ട് തവണ 2000 രൂപ വരെ വാലറ്റിൽ സ്റ്റോർ ചെയ്യാൻ സാധിക്കും. നിലവിൽ യുപിഐ ലൈറ്റ് വഴി പ്രതിദിനം 4000 രൂപ മാത്രമാണ് ചിലവാക്കാൻ സാധിക്കുക.
Content Highlights: Small transactions can be done without a PIN; Google Pay introduces UPI Lite
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !