വിദ്യാർത്ഥികൾക്കും യുവാക്കൾക്കും ഓട്ടോറിക്ഷയിൽ കഞ്ചാവ് വില്പന നടത്തുന്നയാളെ വളാഞ്ചേരി പോലീസ് അറസ്റ്റ് ചെയ്തു.
വെങ്ങാട് സ്വദേശി കീഴ്മുറി മേലെ പറമ്പിൽ വീട്ടിൽ രതീഷാണ് അറസ്റ്റിലായത്.
കഞ്ചാവ് പാക്കറ്റുകളിലാക്കി കോളേജുകൾക്ക് മുന്നിലും അത്തിപ്പറ്റ പരിസരപ്രദേശങ്ങളിലും വിൽപ്പന നടത്തി വരികയായിരുന്നു ഇയാൾ. കഴിഞ്ഞദിവസം കോളേജ് പരിസരങ്ങളിലും അത്തിപ്പറ്റ യിലും ഓട്ടോയിൽ വന്ന് ഇയാൾ കഞ്ചാവ് വിൽപ്പന നടത്തുന്നുണ്ടെന്ന് വളാഞ്ചേരി പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതി പിടിയിലാകുന്നത്. ഇയാളിൽ നിന്നും 100 ഗ്രാം കഞ്ചാവും സഞ്ചരിച്ച ഓട്ടോയും പിടിച്ചെടുത്തു. ഇതിൻ്റെ അടിസ്ഥാനത്തിൽ കഞ്ചാവ് ഉപയോഗിച്ച് വരുന്ന 20 യുവാക്കളെ വളാഞ്ചേരി പോലീസ് സ്റ്റേഷനിൽ വിളിച്ചുവരുത്തി താക്കീത് ചെയ്തു വിട്ടു. കുറ്റിപ്പുറം എക്സൈസിൽ സമാനമായ കേസിൽ മുൻപ് അറസ്റ്റിലായ പ്രതിയാണ് രതീഷ്.
സ്റ്റേഷൻ ഹൗസ് ഓഫീസർ കമറുദ്ദീൻ വള്ളിക്കാടൻ ,എസ് ഐ ജലീൽ കറുത്തേടത്ത്, എസ്ഐ സുധീർ, സിവിൽ പോലീസ് ഓഫീസർമാരായ വിനീത്, ശ്രീജിത്ത് തുടങ്ങിയവർ അന്വേഷണ സംഘത്തിലുണ്ടായിരുന്നു..
Content Highlights: Sale of ganja in Valancherry fig.. Vengad resident arrested..
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !