ഗർഭാശയ മുഖ കാൻസർ (Cervical Cancer) കുറച്ചു കാലമായി രാജ്യത്ത് അതിവേഗം വർധിച്ചുവരികയാണ്. ഈ അർബുദം ഓരോ വർഷവും ദശലക്ഷക്കണക്കിന് സ്ത്രീകളുടെ മരണത്തിന് കാരണമാകുന്നു. ഫെബ്രുവരി ഒന്നിന് പാർലമെൻ്റില്‍ അവതരിപ്പിച്ച കേന്ദ്ര ബജറ്റില്‍ സെർവിക്കല്‍ കാൻസർ തടയാൻ ഒമ്ബത് മുതല്‍ 14 വയസുവരെയുള്ള പെണ്‍കുട്ടികള്‍ക്ക് സർക്കാർ സൗജന്യ എച്ച്‌പിവി വാക്സിൻ നല്‍കുമെന്ന് പ്രഖ്യാപിച്ചിട്ടുമുണ്ട്.
എന്താണ് ഗർഭാശയ മുഖ കാൻസർ?
ഗര്‍ഭപാത്രത്തിന്റെ ഏറ്റവും താഴെയുള്ള ഭാഗത്തിനെയാണ് സെര്‍വിക്സ് അഥവാ ഗര്‍ഭാശയ മുഖം എന്നു പറയുന്നത്. ഇവിടെ കോശങ്ങള്‍ അസാധാരണമായി വളരുമ്ബോഴാണ് സെർവിക്കല്‍ കാൻസർ സംഭവിക്കുന്നത്
സ്ത്രീകളില്‍ ഏറ്റവും കൂടുതലായി കാണപ്പെടുന്ന നാലാമത്തെ കാൻസറാണിത്. ഇന്ത്യയില്‍ സ്ത്രീകളെ ബാധിക്കുന്ന കാൻസറുകളില്‍ സെർവിക്കല്‍ കാൻസർ രണ്ടാം സ്ഥാനത്താണ്. 2020-ല്‍ 123,000-ത്തിലധികം കേസുകള്‍ റിപ്പോർട്ട് ചെയ്യപ്പെട്ടപ്പോള്‍ 77,000 മരണങ്ങള്‍ സംഭവിച്ചു.
മറ്റ് കാന്‍സറുകളില്‍ നിന്നും വ്യത്യസ്തമായി സെര്‍വിക്കല്‍ കാന്‍സര്‍ ഉണ്ടാകുന്നത് ഒരു അണുബാധ മൂലമാണ്. ഹ്യൂമന്‍ പാപ്പിലോമ (HPV) എന്ന വൈറസ് ബാധ സാധാരണയായി കണ്ടുവരുന്നതാണ്. ഇവ ഗര്‍ഭാശയ മുഖത്തു മാത്രമല്ല, മലദ്വാരം, യോനീഭാഗം, പുരുഷലിംഗം, വായ, തൊണ്ട, എന്നീ അവയവങ്ങളിലും കാന്‍സര്‍ ഉണ്ടാക്കുന്നു. എച്ച്‌.പി.വി. 16, 18 എന്നിവയാണ് സെര്‍വിക്കല്‍ കാന്‍സര്‍ ഉണ്ടാകുന്നതില്‍ മുഖ്യ പങ്കുവഹിക്കുന്നത്.
കാരണങ്ങള്‍
സുരക്ഷിതമല്ലാത്ത ലൈംഗിക ബന്ധത്തിലൂടെയാണ് ഇത് പടരുന്നതെന്ന് ആരോഗ്യ വിദഗ്ധർ പറയുന്നു. ചെറുപ്രായത്തില്‍ തന്നെ ലൈംഗിക ബന്ധത്തില്‍ ഏർപ്പെടുന്ന സ്ത്രീകളിലാണ് സെർവിക്കല്‍ കാൻസർ കൂടുതലായി കണ്ടുവരുന്നത്. കൂടാതെ, കൂടുതല്‍ കുട്ടികള്‍ക്ക് ജന്മം നല്‍കുന്നതോ ഒന്നിലധികം ലൈംഗിക പങ്കാളികളോ ഉള്ളതും ഈ അർബുദം വരാനുള്ള സാധ്യത വർധിപ്പിക്കുന്നു. കാൻസർ ലക്ഷണങ്ങള്‍ നേരത്തെ കണ്ടെത്തിയാല്‍ അതിജീവിക്കാനുള്ള സാധ്യത കൂടുതലാണ്. ആദ്യം സെർവിക്സിനെ ബാധിക്കുന്നു.അതിൻ്റെ ആദ്യ ഫലം ഇത് ആന്തരിക കോശങ്ങളില്‍ സംഭവിക്കുകയും പിന്നീട് ശരീരത്തിൻ്റെ മറ്റ് ഭാഗങ്ങളിലേക്ക് വ്യാപിക്കുകയും ചെയ്യുന്നു.
ലക്ഷണങ്ങള്‍
ഗർഭാശയ മുഖ കാൻസറിൻ്റെ ലക്ഷണങ്ങള്‍ തുടക്കത്തില്‍ തിരിച്ചറിയാൻ ബുദ്ധിമുട്ടായിരിക്കും. എന്നിരുന്നാലും, കാലക്രമേണ രോഗം പുരോഗമിക്കുമ്ബോള്‍, ശരീരത്തിലെ ചില മാറ്റങ്ങളിലൂടെ ഇത് തിരിച്ചറിയാൻ കഴിയും. ഗർഭാശയ മുഖ കാൻസറിന്റെ ലക്ഷങ്ങളില്‍ ചിലത് താഴെ നല്‍കിയിരിക്കുന്നു. എന്നിരുന്നാലും ഈ ലക്ഷണങ്ങള്‍ ഉണ്ടായിയെന്നത് കൊണ്ട്, സ്വയം കാൻസർ ബാധിച്ചതായി കരുതരുത്. ഉടൻ തന്നെ ഡോക്ടറെ കണ്ട് ആവശ്യമായ പരിശോധനകള്‍ നടത്താനുള്ള മുന്നറിയിപ്പാണ് ഈ ലക്ഷണങ്ങള്‍.
* മൂത്രത്തില്‍ രക്തം
* ഇടയ്ക്കിടെ മൂത്രമൊഴിക്കല്‍
* അസാധാരണ രക്തസ്രാവം
* ലൈംഗികവേളയില്‍ കഠിനമായ വേദന
* നടുവേദന
* വയറ്റിലെ മലബന്ധം പോലെയുള്ള വേദന
* ആർത്തവ സമയത്ത് അമിത രക്തസ്രാവം
* കാലുകളില്‍ വീക്കം
* ലൈംഗിക ബന്ധത്തിന് ശേഷം യോനിയില്‍ രക്തസ്രാവം
* ക്ഷീണം, തൂക്കം കുറയുക, വിശപ്പില്ലായ്മ
* വെള്ളപോക്ക്.
ഗർഭാശയ മുഖ കാൻസർ എങ്ങനെ ഒഴിവാക്കാം?
പതിവായി സ്ക്രീനിംഗും വാക്സിനേഷനും നടത്തണം. എച്ച്‌ പി വി വാക്സിനേഷൻ സെർവിക്കല്‍ കാൻസറില്‍ നിന്ന് സംരക്ഷിക്കാൻ സഹായകമാണെന്ന് പഠനങ്ങള്‍ തെളിയിച്ചിട്ടുണ്ട്.
* ഒരു പങ്കാളിയുമായി മാത്രം ലൈംഗിക ബന്ധത്തില്‍ ഏർപ്പെടുക.
* സുരക്ഷിതമായ ലൈംഗിക ബന്ധം പ്രധാനമാണ്. ലൈംഗിക ബന്ധത്തില്‍ ഏര്‍പ്പെടുമ്ബോള്‍ ഗര്‍ഭനിരോധന ഉറ അല്ലെങ്കില്‍ മറ്റു സുരക്ഷിത മാര്‍ഗങ്ങള്‍ ഉപയോഗിക്കുക.
* മദ്യം, പുകയില ഉപയോഗം ഒഴിവാക്കുക
* ജീവിതശൈലിയും ഭക്ഷണശീലങ്ങളും മെച്ചപ്പെടുത്തണം.
* പതിവായി യോഗയും വ്യായാമവും ചെയ്യുക, ശാരീരികമായി സജീവമായിരിക്കുക.
* ശരീര ഭാരം നിയന്ത്രിക്കുക
* സമ്മർദം കുറയ്ക്കുക
Content Summary: Cervical Cancers | What is cervical cancer? Know these symptoms! Know the ways to prevent it
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !