സ്കൂളില്‍ മദ്യപിച്ചെത്തുന്ന അധ്യാപകരെ കുറിച്ചുള്ള വാര്‍ത്തകള്‍ പലപ്പോഴായി ഉയര്‍ന്നു വരാറുണ്ട്. അത്തരത്തിലൊരു കാഴ്ചയാണ് ഇപ്പോള്‍ സോഷ്യല്‍മീഡിയയില്‍ ചൂടുപിടിച്ച ചര്‍ച്ചയായിരിക്കുന്നത്. ഛത്തീസ്‌ഗഡിലെ ബസ്തറിലെ ഒരു പ്രൈമറി സ്കൂളിലാണ് സംഭവം. സ്കൂളിൽ മദ്യപിച്ചെത്തിയ അധ്യാപകനെ ചെരുപ്പൂരി എറിഞ്ഞു വിദ്യാർഥികൾ ഓടിക്കുന്നതാണ് വിഡിയോ.
വിഡിയോ വൈറലായതോടെ സംഭവം ഗൗരവം നിറഞ്ഞ വിഷയാണെന്നായിരുന്നു സോഷ്യൽമീഡിയയിൽ പലരും പ്രതികരിച്ചത്. സഹികെട്ടാണ് വിദ്യാർഥികൾ ഇത്തരത്തിൽ അധ്യാപകനെ ആക്രമിക്കാൻ ഇടയായതെന്നാണ് റിപ്പോർട്ട്. അധ്യാപകൻ പലപ്പോഴും ക്ലാസിൽ വരാറില്ല. വന്നാൽ തന്നെ മദ്യപിച്ച് എവിടെങ്കിലും വീണ് ഉറങ്ങുകയാണ് പതിവ്. ഇതിനെ ചോദ്യം ചെയ്താൽ അധ്യപകൻ തങ്ങളെ അസഭ്യം പറയുമെന്നും വിദ്യാർഥികൾ ആരോപിക്കുന്നു.
അത്തരത്തിൽ കഴിഞ്ഞ ദിവസം മദ്യപിച്ച് സ്കൂളിൽ എത്തിയ അധ്യാപകനെ വിദ്യാർഥികൾ ചെരുപ്പും കല്ലുമെറിഞ്ഞ് സ്കൂളിൽ നിന്നും ഓടിക്കുകയായിരുന്നു. വിദ്യാർഥികളുടെ ഏറ് കൊണ്ട് അധ്യാപകൻ ബൈക്കിൽ രക്ഷപ്പെടുന്നതും വിഡിയോയിൽ കാണാം. വിഡിയോയ്ക്ക് താഴെ നിരവധി ആളുകളാണ് കമന്റുമായി എത്തുന്നത്. ഇത്തരത്തിലുള്ളവർ അധ്യാപക വർഗ്ഗത്തിന് തന്നെ പേരു ദോഷമാണെന്നായിരുന്നു ഒരാളുടെ കമന്റ്. ഇതിനെതിരെ നിയമ നടപടിയുണ്ടാവണമെന്നും പലരും അഭിപ്രായപ്പെട്ടു. കൊച്ചു കുട്ടികൾ ഇത്തരത്തിൽ പ്രതികരിക്കുന്നതിന് പിന്നിലെ അപകടവും പലരും ചൂണ്ടികാട്ടി.
Video:
A viral video has emerged online showing primary school students in #Bastar, #Chhattisgarh, taking matters into their own hands by chasing away a teacher who arrived at school in a drunk state. The incident, captured on camera and shared by social media, shows the kids throwing… pic.twitter.com/zYMD18J9XR
— Hate Detector 🔍 (@HateDetectors) March 26, 2024
Content Summary: School students chased the drunken teacher by throwing shoes Video
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !