ന്യൂഡൽഹി: വിനോദയാത്രയ്‌ക്ക് പോയ മലയാളിസംഘം സഞ്ചരിച്ച വാഹനം അപകടത്തിൽപ്പെട്ട് യുവാവ് മരിച്ചു. ജമ്മു കാശ്‌മീരിലെ ബെനി ഹാളിൽ വച്ചാണ് അപകടമുണ്ടായത്. കോഴിക്കോട് നാദാപുരം സ്വദേശി സഫ്വാൻ പിപി (23) ആണ് മരിച്ചത്. അപകടത്തിൽ 14പേർക്ക് പരിക്കേറ്റു. ഇവരിൽ 12പേർ മലയാളികളാണ്. പരിക്കേറ്റവരിൽ ആറുപേരുടെ നില അതീവ ഗുരുതരമാണ്. മലപ്പുറം ജാമിയ സലഫിയ ഫാർമസി കോളേജിലെ മുൻ ബിഫാം വിദ്യാർത്ഥികളാണ് അപകടത്തിൽപ്പെട്ടതിൽ ആറുപേർ.
 |
| സഫ്വാൻ പിപി (23) |
കഴിഞ്ഞ ഡിസംബറിൽ സമാനമായ അപകടം സംഭവിച്ചിരുന്നു. കേരളത്തിൽ നിന്ന് ജമ്മു കാശ്മീരിലേക്ക് വിനോദയാത്രയ്‌ക്ക് പോയവരാണ് അപകടത്തിൽപ്പെട്ടത്. അപകടത്തിൽ അഞ്ചുപേർ മരണപ്പെട്ടു. അതിൽ നാലും മലയാളികളാണ്. സോനം മാര്‍ഗിലേക്ക് പോകവെയാണ് ഇവർ സഞ്ചരിച്ച കാർ അപകടത്തിൽപ്പെട്ടത്. ശ്രീനഗറിലെ സോജില പാസിനടുത്ത് വച്ച് വാഹനം കൊക്കയിലേക്ക് മറിയുകയായിരുന്നു. വിനോദസഞ്ചാരികളായ സുധേഷ്, അനില്‍, വിഗ്നേഷ്, രാഹുല്‍ എന്നീ നാലുപേരാണ് മരിച്ചത്.
ജമ്മുകാശ്മീര്‍ സ്വദേശിയായ ഇജാസ് അഹമ്മദ് എന്നയാളായിരുന്നു വാഹനമോടിച്ചിരുന്നത്. ഇയാളും അപകടത്തിൽ മരിച്ചു. കാറില്‍ ഡ്രൈവറെ കൂടാതെ ഏഴ് പേര്‍ കൂടി ഉണ്ടായിരുന്നു. ഇവരിൽ അഞ്ച് പേർ മരിക്കുകയും മൂന്നുപേർ നിസാര പരിക്കുകളോടെ രക്ഷപ്പെട്ടു എന്നുമാണ് അന്ന് ജമ്മുകാശ്മീര്‍ പൊലീസ് നൽകിയ വിവരം.
Content Summary: The Malayalee team that went to Kashmir met with an accident; 23-year-old died tragically, six others are in critical condition
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !