വി.എസ്. അച്യുതാനന്ദന്റെ നിര്യാണം: നാളത്തെ പി.എസ്.സി പരീക്ഷകൾ മാറ്റിവെച്ചു

മുൻ മുഖ്യമന്ത്രി വി.എസ്. അച്യുതാനന്ദന്റെ നിര്യാണത്തെ തുടർന്ന് സംസ്ഥാനത്ത് നാളെ (ജൂലൈ 23, 2025) നടത്താനിരുന്ന പി.എസ്.സി. പരീക്ഷകൾ മാറ്റിവെച്ചു. പുതുക്കിയ തീയതി പിന്നീട് അറിയിക്കുമെന്ന് പി.എസ്.സി. അറിയിച്ചു. എന്നാൽ, നാളത്തെ പി.എസ്.സി. അഭിമുഖങ്ങൾക്ക് മാറ്റമില്ല.

മാറ്റിവെച്ച പരീക്ഷകൾ:

• പൊതുമരാമത്ത് / ജലസേചന വകുപ്പുകളിലെ സെക്കൻഡ് ഗ്രേഡ് ഓവർസിയർ/ഡ്രാഫ്റ്റ്സ്മാൻ (സിവിൽ) (കാറ്റഗറി നമ്പർ 8/2024).

• ജലസേചന വകുപ്പിലെ സെക്കൻഡ് ഗ്രേഡ് ഓവർസിയർ /ഡ്രാഫ്റ്റ്സ്മാൻ (സിവിൽ- പട്ടിക വർഗക്കാർക്കു മാത്രം - കാറ്റഗറി നമ്പർ 293/2024).

• കേരള സംസ്ഥാന പട്ടികജാതി/ പട്ടിക വർഗ്ഗ വികസന കോർപ്പറേഷനിലെ ട്രേസർ (കാറ്റഗറി നമ്പർ - 736/2024).

• ഇന്ന് (ജൂലൈ 22, 2025) നടത്താനിരുന്ന പി.എസ്.സി. പരീക്ഷകളും അഭിമുഖങ്ങളും നേരത്തെ മാറ്റിവെച്ചിരുന്നു.

മറ്റ് വിദ്യാഭ്യാസ സ്ഥാപനങ്ങളിലെ മാറ്റങ്ങൾ:

മഹാത്മാഗാന്ധി സർവകലാശാല, കേരള സർവകലാശാല: പരീക്ഷകളും അഭിമുഖങ്ങളും മാറ്റിവെച്ചു.

കാലിക്കറ്റ് സർവകലാശാല: ഇന്ന് നടത്താനിരുന്ന വിദ്യാർഥി യൂണിയൻ തിരഞ്ഞെടുപ്പ് ജൂലൈ 26-ലേക്ക് മാറ്റി.

പൊതു അവധിയും ദുഃഖാചരണവും: വി.എസ്. അച്യുതാനന്ദനോടുള്ള ആദരസൂചകമായി സംസ്ഥാനത്ത് ഇന്ന് പൊതു അവധി പ്രഖ്യാപിച്ചിരുന്നു. പൊതുപരിപാടികൾ ഉണ്ടാവില്ല. സർക്കാർ ഓഫീസുകൾക്കും സ്കൂളുകൾക്കും ബാങ്കുകൾക്കും നാളെയും അവധിയായിരിക്കും. സംസ്ഥാനത്ത് മൂന്ന് ദിവസത്തെ ഔദ്യോഗിക ദുഃഖാചരണവും നടത്തും. നാളെ (ജൂലൈ 23, 2025) ആലപ്പുഴ ജില്ലയ്ക്ക് പ്രത്യേക അവധിയും പ്രഖ്യാപിച്ചിട്ടുണ്ട്.

ഈ വാർത്ത കേൾക്കാം

Content Summary: Mediavisionlive.in

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: