ശ്രദ്ധിക്കുക! ഗൂഗിൾ പേ വഴിയുള്ള പുതിയ തട്ടിപ്പുകൾ: പോലീസ് മുന്നറിയിപ്പ്

തിരുവനന്തപുരം: ഗൂഗിൾ പേ വഴി അബദ്ധത്തിൽ പണം അയച്ചു, തിരിച്ച് അയയ്ക്കണം എന്ന് ആവശ്യപ്പെട്ട് അപരിചിതരുടെ ഫോൺ കോളുകൾ വന്നാൽ ശ്രദ്ധിക്കുക. ഇത് പുതിയ സൈബർ തട്ടിപ്പുകളാണെന്ന് പോലീസ് മുന്നറിയിപ്പ് നൽകുന്നു. ഈ രീതിയിൽ പണം നഷ്ടപ്പെട്ട നിരവധി സംഭവങ്ങൾ റിപ്പോർട്ട് ചെയ്തതിനെ തുടർന്നാണ് പോലീസ് പൊതുജനങ്ങൾക്ക് മുന്നറിയിപ്പ് നൽകിയത്.

തട്ടിപ്പുകൾ നടക്കുന്ന പ്രധാന വഴികൾ:

• വ്യാജ QR കോഡ് തട്ടിപ്പ്: അബദ്ധത്തിൽ പണമയച്ചെന്ന് വിശ്വസിപ്പിച്ച് തുക തിരികെ നൽകാനായി തട്ടിപ്പുകാർ ഒരു QR കോഡ് അയച്ചുതരും. നമ്മൾ ഇത് സ്കാൻ ചെയ്ത് പണം തിരികെ അയയ്ക്കാൻ ശ്രമിക്കുമ്പോൾ, യഥാർത്ഥത്തിൽ നമ്മുടെ അക്കൗണ്ടിൽ നിന്ന് വലിയൊരു തുക അവർക്ക് പോവുകയാണ് ചെയ്യുന്നത്. ഈ QR കോഡിൽ നേരത്തെ തന്നെ വലിയ തുക സെറ്റ് ചെയ്തിട്ടുണ്ടാകും

• വ്യാജ SMS തട്ടിപ്പ്: പണമയച്ചതായി കാണിക്കുന്ന വ്യാജ SMS സന്ദേശങ്ങൾ അയച്ചും തട്ടിപ്പ് നടത്തുന്നു. ഈ സന്ദേശം വിശ്വസിച്ച് നമ്മൾ പണം തിരികെ അയച്ചാൽ അതും നഷ്ടമാകും.

• വ്യാജ വ്യക്തിത്വം ഉപയോഗിച്ചുള്ള തട്ടിപ്പ്: പോലീസോ സി.ബി.ഐ.യോ ആണെന്ന് പറഞ്ഞ് ഭീഷണിപ്പെടുത്തിയും തട്ടിപ്പ് നടത്തുന്നുണ്ട്. ചെറിയ തുക നഷ്ടമാകുമ്പോൾ പലരും പരാതിപ്പെടാൻ മടിക്കുന്നത് തട്ടിപ്പുകാർക്ക് സഹായകമാകുന്നു.

തട്ടിപ്പുകൾ എങ്ങനെ ഒഴിവാക്കാം?

പരിചയമില്ലാത്ത നമ്പറിൽ നിന്ന് പേയ്‌മെന്റ് ആപ്പുകൾ വഴി പണമയച്ചതായി വിളി വന്നാൽ ഒരു കാരണവശാലും പ്രതികരിക്കരുത്.

അത്തരം ആളുകളോട് നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യയുടെ (NPCI) വെബ്സൈറ്റിൽ പരാതിപ്പെടാൻ ആവശ്യപ്പെടുക.

നിങ്ങൾക്ക് അബദ്ധത്തിൽ പണം നഷ്ടപ്പെട്ടാൽ, തിരികെ ലഭിക്കാൻ ഇതേ വെബ്സൈറ്റിൽ പരാതി നൽകാം.

ഇതിനായി NPCI വെബ്സൈറ്റിലെ 'Consumer' എന്ന ഓപ്ഷനിൽ 'UPI Complaint' ക്ലിക്ക് ചെയ്യുക. തുടർന്ന് 'Transaction' എന്ന ഓപ്ഷനിൽ ആവശ്യമായ എല്ലാ വിവരങ്ങളും നൽകുക. NPCI അധികൃതർ നിങ്ങളെ നേരിട്ട് ബന്ധപ്പെടും.

വീട്ടുകാരുടെയും സുഹൃത്തുക്കളുടെയും പേരിൽ അടിയന്തര സഹായം ആവശ്യപ്പെട്ടുള്ള വിളികൾ വന്നാൽ, പണം അയയ്ക്കുന്നതിന് മുൻപ് അവരുടെ നമ്പർ ശരിയാണോ എന്ന് വിളിച്ച് ഉറപ്പുവരുത്തേണ്ടത് അത്യാവശ്യമാണ്.

ഈ വാർത്ത കേൾക്കാം

Content Summary: Beware! New scams via Google Pay: Police warn

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: