ബലാത്സംഗ കേസിൽ റാപ്പർ വേടൻ അറസ്റ്റിൽ

കൊച്ചി|ബലാത്സംഗക്കേസിൽ റാപ്പറും ഗായകനുമായ വേടൻ (ഹിരണ്‍ദാസ് മുരളി) അറസ്റ്റിൽ. വിവാഹ വാഗ്ദാനം നൽകി പീഡിപ്പിച്ചെന്ന് യുവ ഡോക്ടർ നൽകിയ പരാതിയിലാണ് തൃക്കാക്കര പോലീസ് അറസ്റ്റ് രേഖപ്പെടുത്തിയത്. രണ്ട് ദിവസം നീണ്ട ചോദ്യം ചെയ്യലിന് ശേഷമാണ് നടപടി.

കേസിൽ ഹൈക്കോടതി വേടന് മുൻകൂർ ജാമ്യം അനുവദിച്ചതിനാൽ, വൈദ്യപരിശോധനയ്ക്ക് ശേഷം ഇയാളെ വിട്ടയക്കും.

ആരോപണങ്ങൾ:

പീഡനം: 2021 ഓഗസ്റ്റ് മുതൽ 2023 മാർച്ച് വരെയുള്ള കാലയളവിൽ കോഴിക്കോടും കൊച്ചിയിലുമടക്കം അഞ്ചിടങ്ങളിൽ കൊണ്ടുപോയി പലതവണ പീഡിപ്പിച്ചെന്നാണ് യുവതിയുടെ പരാതി.

വിവാഹ വാഗ്ദാനം: പീഡനത്തിന് ശേഷം വിവാഹം കഴിക്കാതെ ഒഴിവാക്കിയെന്നും യുവതി ആരോപിക്കുന്നു.

സാമ്പത്തിക തട്ടിപ്പ്: ഒരു പാട്ട് പുറത്തിറക്കാനെന്ന പേരിൽ 31,000 രൂപ തട്ടിയെടുത്തെന്നും പരാതിയിലുണ്ട്.

കഴിഞ്ഞ ദിവസവും വേടനെ പോലീസ് ചോദ്യം ചെയ്തിരുന്നു. ഇന്ന് വീണ്ടും ചോദ്യം ചെയ്യലിന് ഹാജരായതിന് പിന്നാലെയാണ് അറസ്റ്റ് രേഖപ്പെടുത്തിയത്.

ഈ വാർത്ത കേൾക്കാം

Content Summary: Rapper Vedan arrested in rape case; will be released after medical examination

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: