QR കോഡ് ഉപയോഗിക്കുമ്പോൾ ശ്രദ്ധിക്കുക; മുന്നറിയിപ്പുമായി കേരള പോലീസ്

ആധുനിക ജീവിതത്തിൽ QR കോഡുകൾക്ക് വലിയ സ്ഥാനമുണ്ട്. പണമിടപാടുകൾ മുതൽ വിവരങ്ങൾ പങ്കുവയ്ക്കുന്നത് വരെ QR കോഡുകൾ ഉപയോഗിച്ചാണ് ഇന്ന് പലരും ചെയ്യുന്നത്. എന്നാൽ, QR കോഡുകൾ സ്കാൻ ചെയ്യുമ്പോൾ ശ്രദ്ധിച്ചില്ലെങ്കിൽ പണം നഷ്ടപ്പെടാൻ സാധ്യതയുണ്ടെന്ന് കേരള പോലീസ് മുന്നറിയിപ്പ് നൽകുന്നു.

QR കോഡ് ഉപയോഗിക്കുമ്പോൾ സ്വീകരിക്കേണ്ട മുൻകരുതലുകൾ കേരള പോലീസ് ഫെയ്സ്ബുക്ക് പോസ്റ്റിലൂടെ പങ്കുവെച്ചിട്ടുണ്ട്.

ശ്രദ്ധിക്കേണ്ട കാര്യങ്ങൾ:

സുരക്ഷിതമായ വെബ്സൈറ്റാണോ എന്ന് പരിശോധിക്കുക: QR കോഡ് സ്കാൻ ചെയ്ത് ഒരു ലിങ്ക് തുറക്കുമ്പോൾ, അത് സുരക്ഷിതമാണോ എന്നും വിശ്വസനീയമായ ഉറവിടത്തിൽ നിന്നാണോ വരുന്നതെന്നും ഉറപ്പാക്കണം.

വ്യാജ വെബ്സൈറ്റുകളെ സൂക്ഷിക്കുക: ഇമെയിലുകളിലും എസ്എംഎസുകളിലുമുള്ള സംശയാസ്പദമായ ലിങ്കുകൾ പോലെ തന്നെ, QR കോഡുകൾ വഴി ലഭിക്കുന്ന എല്ലാ ലിങ്കുകളും സുരക്ഷിതമാകണമെന്നില്ല. ഇത് നിങ്ങളെ ഫിഷിംഗ് വെബ്സൈറ്റുകളിലേക്ക് നയിച്ചേക്കാം.

QR കോഡ് തട്ടിപ്പുകൾ തടയാൻ QR കോഡുകൾ സ്കാൻ ചെയ്യുമ്പോൾ ജാഗ്രത പാലിക്കേണ്ടത് അത്യാവശ്യമാണ്.

കുറിപ്പ്:

ആധുനികജീവിതത്തിൽ QR കോഡുകളുടെ സ്ഥാനം ഒഴിവാക്കാനാവാത്ത വിധം മാറിക്കഴിഞ്ഞു. QR കോഡുകൾ സ്കാൻ ചെയ്യുമ്പോൾ അറിഞ്ഞിരിക്കേണ്ട ചില വസ്തുതകൾ ഉണ്ട്.

QR കോഡ് ഉപയോഗിച്ച് ഒരു ലിങ്ക് തുറക്കുമ്പോൾ, URL സുരക്ഷിതമാണെന്നും വിശ്വസനീയമായ ഉറവിടത്തിൽ നിന്നാണ് വരുന്നതെന്നും ഉറപ്പാക്കേണ്ടത് പ്രധാനമാണ്.

ഇമെയിലിലെയും SMS ലെ യും സംശയകരമായ ലിങ്കുകൾ ക്ലിക്കുചെയ്യുന്നത് അപകടകരമെന്നതുപോലെ QR കോഡുകൾ നയിക്കുന്ന URL-കൾ എല്ലാം ശരിയാകണമെന്നില്ല. ഫിഷിംഗ് വെബ്‌സൈറ്റിലേക്ക് നിങ്ങളെ കൊണ്ടുപോകാൻ അതിനു കഴിഞ്ഞേക്കും.

QR കോഡ് സ്കാനർ APP- സെറ്റിംഗ്സിൽ "open URLs automatically' എന്ന ഓപ്ഷൻ നമ്മുടെ യുക്താനുസരണം സെറ്റ് ചെയ്യാം. നമ്മുടെ അറിവോടെ വെബ്‌സൈറ്റുകളിൽ പ്രവേശിക്കാനുള്ള അനുമതി നൽകുന്നതാണ് ഉചിതം.

അറിയപ്പെടുന്ന സേവന ദാതാക്കളിൽ നിന്ന് മാത്രം QR കോഡ് ജനറേറ്റ് ചെയ്യുക.

QR കോഡ് ഉപയോഗിച്ചുള്ള ഇടപാടുകൾ നടത്തിയ ഉടനെ അക്കൗണ്ടിലെ ട്രാൻസാക്ഷൻ വിശദാംശങ്ങൾ പരിശോധിച്ച് ഉറപ്പുവരുത്തുക.

കസ്റ്റം QR കോഡ് ആപ്പുകൾ ഡൗൺലോഡ് ചെയ്യുന്നത് ഒഴിവാക്കുക..

QR കോഡ് സ്കാൻ ചെയ്യാൻ കഴിയുന്നതും ഉപകരണ നിർമ്മാതാവ് നൽകുന്ന വിശ്വസനീയമായ ആപ്പുകൾ ഉപയോഗിക്കുക.

ഏതൊരു ടെക്നോളജിക്കും ഗുണത്തിനൊപ്പം ചില ദൂഷ്യവശങ്ങൾ കൂടിയുണ്ടെന്ന് മനസിലാക്കുന്നത് കൂടുതൽ കരുതലോടെ ഇവയെ സമീപിക്കാൻ സഹായിക്കും.

ഈ വാർത്ത കേൾക്കാം

Content Summary: Be careful when using QR code; Kerala Police issues warning

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: