നീതിന്യായ ചരിത്രത്തിൽ പുത്തൻ അധ്യായം; രാജ്യത്തെ ആദ്യ പൂർണ്ണ കടലാസ് രഹിത കോടതിയായി കൽപ്പറ്റ

കൽപ്പറ്റ: നീതിന്യായ ചരിത്രത്തിൽ പുതിയ അധ്യായം കുറിച്ചുകൊണ്ട് വയനാട്ടിലെ കൽപ്പറ്റ ജില്ലാ കോടതി ഇന്ത്യയിലെ ആദ്യത്തെ പൂർണ കടലാസ് രഹിത (Paperless) കോടതിയായി മാറി. കേസ് ഫയൽ ചെയ്യുന്നത് മുതൽ അന്തിമ വിധി പ്രസ്താവം വരെയുള്ള എല്ലാ നടപടികളും ഇനിമുതൽ ഈ കോടതിയിൽ ഡിജിറ്റലായി നടക്കും.

സുപ്രീം കോടതി ചീഫ് ജസ്റ്റിസ് സൂര്യകാന്ത് ആണ് ഈ വിപ്ലവകരമായ മാറ്റത്തിന് തുടക്കം കുറിച്ചത്. കടലാസ് ഉപയോഗം വൻതോതിൽ കുറയ്ക്കുന്ന ഈ നേട്ടം രാജ്യത്തെ മറ്റ് ജുഡീഷ്യൽ ജില്ലകൾക്കും മാതൃകയാക്കാവുന്നതാണെന്ന് ഉദ്ഘാടനം നിർവഹിച്ചുകൊണ്ട് അദ്ദേഹം പറഞ്ഞു.

പ്രത്യേകതകൾ: കേസ് ഫയലിംഗ്, തെളിവുകൾ രേഖപ്പെടുത്തൽ, ഇടക്കാല നടപടികൾ, അന്തിമ വിധി എന്നിവയുൾപ്പെടെ കോടതിയിലെ എല്ലാ പ്രക്രിയകളും പൂർണ്ണമായും ഡിജിറ്റൽ സംവിധാനത്തിലേക്ക് മാറും. സാക്ഷി മൊഴികളും വിധിയും കൃത്യതയോടെ രേഖപ്പെടുത്തുന്നതിനായി 'വോയ്‌സ്-ടു-ടെക്സ്റ്റ്' (Voice-to-Text) സാങ്കേതികവിദ്യയും കോടതിയിൽ സജ്ജീകരിച്ചിട്ടുണ്ട്. കേരള ഹൈക്കോടതിയുടെ ഐ.ടി വിഭാഗം സ്വന്തമായി വികസിപ്പിച്ചെടുത്തതാണ് ഈ നൂതന സംവിധാനം എന്നത് നേട്ടത്തിന് ഇരട്ടിമധുരം നൽകുന്നു.

കേരള ഹൈക്കോടതിയിൽ നടന്ന ചടങ്ങിൽ സുപ്രീം കോടതി ജഡ്ജി ജസ്റ്റിസ് വിക്രംനാഥ്, ഹൈക്കോടതി ചീഫ് ജസ്റ്റിസ് നിതിൻ ജാംദാർ, ജസ്റ്റിസ് രാജാ വിജയരാഘവൻ, ജസ്റ്റിസ് എ.കെ. ജയശങ്കരൻ നമ്പ്യാർ എന്നിവർ സംസാരിച്ചു.

Content Summary: A new chapter in judicial history; Kalpetta becomes the country's first completely paperless court

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: