കരിപ്പൂര് : വിമാനത്താവളത്തില് 90 ലക്ഷം രൂപയുടെ സ്വര്ണം എയര് കസ്റ്റംസ് ഇന്റലിജന്സ് പിടികൂടി. പെര്ഫ്യൂം ബോട്ടിലിന്റെ പുറത്ത് ഒട്ടിച്ചുകടത്തിയ 267 ഗ്രാം സ്വര്ണവും വിമാനത്തിന്റെ സീറ്റിന് അടിയില്നിന്ന് രണ്ട് കിലോയുമാണ് പിടിച്ചത്. കാസര്കോട് സ്വദേശി ഇബ്രാഹിം റിയാസില്നിന്നാണ് പെര്ഫ്യൂം ബോട്ടിലിന്റെ പുറത്ത് ഒട്ടിച്ച സ്വര്ണം പിടികൂടിയത്.
ദുബായില്നിന്നെത്തിയ സ്പൈസ് ജെറ്റ് വിമാനത്തിന്റെ സീറ്റിന് അടിയില്നിന്നാണ് രണ്ട് കിലോഗ്രാം സ്വര്ണ ബിസ്കറ്റുകള് കണ്ടെടുത്തത്. എയർ കസ്റ്റംസ് ഇന്റലിജൻസ് വിഭാഗം നടത്തിയ പരിശോധനയിലാണ് സ്വർണം പിടികൂടിയത്. സെക്യൂരിറ്റി പരിശോധന കഴിഞ്ഞ് കസ്റ്റംസ് ഹാളിൽനിന്ന് പുറത്തുകടക്കുന്നതിനിടെയാണ് പിടിയിലായത്.
