മസ്ക്കത്ത്: മസ്കത്ത് ഒമാൻ ഭരണാധികാരി സുൽത്താൻ ഖാബൂസ് ബിൻ സഈദ് വിടവാങ്ങി. 79 വയസ്സായിരുന്നു. അസുഖ ബാധിതനായി ഏറെക്കാലം ചികിത്സയിൽ കഴിയുകയായിരുന്നു സുൽത്താൻ.
അറബ് ലോകത്ത് ഏറ്റവും അധിക കാലം രാഷ്ട്ര നായകത്വം വഹിച്ചയാളാണ് ഒമാനിലെ പ്രിയ സുൽത്താൻ ഖാബൂസ് ബിൻ സഈദ് അൽ സഈദ്. വെള്ളിയാഴ്ച വൈകുന്നേരമാണ് മരണപ്പെട്ടതെന്ന് ദീവാൻ ഓഫ് റോയൽ കോർട്ട് വാർത്ത ഔദ്യോഗികമായി പുറത്തുവിട്ടു.
ഒമാനെ വികസനത്തിന്റെ പുത്തനാകാശങ്ങളിലേക്ക് ഉയർത്തുകയും ജനക്ഷേമത്തിന് എന്നും ഊന്നൽ പകരുകയും ചെയ്ത സുൽത്താന്റെ വിയോഗവാർത്ത ഏറെ വേദനയോടെയാണ് ഒമാൻ ജനതയും അറബ് ലോകവും ശ്രവിച്ചത്.
അറബ് ലോകത്ത് സമാധാനം നിലനിർത്താനുള്ള പ്രയത്നങ്ങൾക്ക് എക്കാലത്തും മുന്നിൽ നിന്ന നായകനെയാണ് നഷ്ടമാകുന്നത്. അവിവാഹിതനായ സുൽത്താന്റെ പിൻഗാമിയെ റോയൽ ഫാമിലി കൗൺസിൽ മൂന്ന് ദിവസങ്ങൾക്കുള്ളിൽ തെരഞ്ഞെടുക്കും.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !