ശറഫിയ്യ എയർലൈൻസ് ഇമ്പാല ഗാർഡൻ ഓഡിറ്റോറിയത്തിൽ നടന്ന പരിപാടി എം.സി ഖമറുദ്ധീൻ എം.എൽ എ ഉദ്ഘാടനം ചെയ്തു. മതേതര വിശ്വാസികളുടെ എതിർപ്പിനെ മറികടന്ന് ഒരു ഭരണകൂടത്തിനും മുന്നോട്ട് പോകാനാകില്ലെന്നും പൗരത്വ ഭേദഗതി നിയമം സർക്കാറിന് ജനങ്ങളുടെ മേൽ അടിച്ചേൽപ്പിക്കാനാവില്ലെന്നും അദ്ദേഹം പറഞ്ഞു. ഇത്തരം ഏകാധിപതികളുടെയെല്ലാം അന്ത്യം എങ്ങിനെയായിരുന്നുവെന്നത് ചരിത്രമാണ്. പ്രതിഷേധങ്ങളിൽ വൈവിധ്യം അനിവാര്യമാണെന്നും ആശയങ്ങൾ പ്രചരിപ്പിക്കാനും മുദ്രാവാക്യങ്ങൾ മുന്നോട്ട് വെക്കാനും ഏതൊരു കലയും മികച്ച ആയുധങ്ങളാണെന്നും സംഗീതവും മറ്റു കലകലകളുമെല്ലാം എന്നും സ്നേഹത്തിൻ്റേയും സൗഹാർദ്ദത്തിൻ്റേയും ഭാഷയിലാണ് സംവദിച്ചിട്ടുള്ളതെന്നും അദ്ദേഹം പറഞ്ഞു. നല്ലൊരു ഗായകൻ കൂടിയായ അദ്ദേഹം നിരവധി പാട്ടുകൾ പാടിയാണ് പരിപാടിയുടെ ഉദ്ഘാടനം നിർവഹിച്ചത്.
കെ.എൻ എ ലത്തീഫ് അധ്യക്ഷത വഹിച്ചു. യുവപ്രഭാഷകനും ട്രയിനറുമായ റാഷിദ് ഗസ്സാലി മുഖ്യ പ്രഭാഷണം നടത്തി. എല്ലാ മതങ്ങളേയും ഉൾക്കൊള്ളാനുള്ള വിശാല മനസ്സാണ് യഥാർത്ഥ ഹിന്ദു സംസ്കാരമെങ്കിലും ഇത്തരം വിശാല മനസ്സ് ഇല്ലാത്തവരുടെ കൈകളിൽ ഇന്ത്യ രാജ്യത്തിന്റെ അധികാരം എത്തിപ്പെട്ടതാണ് ഇന്ന് രാജ്യം അനുഭവിക്കുന്ന ദുരന്തമെന്ന് അദ്ദേഹം പറഞ്ഞു. എന്നാൽ ഇതിലും വലിയ പ്രതിസന്ധികൾ മറികടന്നിട്ടുള്ള ഇന്ത്യയിലെ ജനങ്ങൾ ഇപ്പോഴുള്ള പ്രശ്നങ്ങളും മറിക്കടക്കുമെന്നും റാഷിദ് ഗസ്സാലി പറഞ്ഞു.
അബ്ദുൽ മജീദ് നഹ, ബഷീർ മൂന്നിയൂർ, വി.പി മുസ്തഫ, ഇസ്ഹാഖ് പൂണ്ടോളി, നസീർ വാവക്കുഞ്ഞ്, അബ്ദുള്ള മുക്കണ്ണി, കെ.സി അസീസ് വയനാട്, സീതി തിരൂരങ്ങാടി, സലാഹ് കാരാടൻ, അസീസ് പട്ടാമ്പി, റഹീം ആതവനാട്, മുസ്തഫ തോളൂർ, യൂസഫ് കോട്ട, ഗഫൂർ ചാലിൽ തുടങ്ങിയവർ സംസാരിച്ചു.
ഗായകൻ ജമാൽ പാഷയുടെ നേതൃത്വത്തിൽ നടന്ന ഇശൽ രാവിൽ റഹീം കാക്കൂർ, മുസ്തഫ മേലാറ്റൂർ, സോഫിയ സുനിൽ, മുംതാസ് അബ്ദുറഹിമാൻ, ഖദീജ, മുസ്തഫ മലയിൽ, മുഹമ്മദലി പട്ടാമ്പി, സാബിത് വയനാട്, മൻസൂർ മണ്ണാർക്കാട്, മുജീബ് വയനാട് എന്നിവർ പ്രതിഷേധ ഗാനങ്ങളും കവിതകളുമാലപിച്ചു. കാലിക്കറ്റ് മ്യൂസിക് ലവേഴ്സിന്റെ നേതൃത്വത്തിൽ മൻസൂർ ഫറോക്ക്, കോയ പരപ്പനങ്ങാടി, ഷാജഹാൻ ബാബു, വെബ്സാൻ മനോജ് എന്നിവർ ലൈവ് ഓർക്കസ്ട്ര ഒരുക്കി. റഹൂഫ് തിരുരങ്ങാടി അണിയിച്ചൊരുക്കി കുട്ടികൾ അവതരിപ്പിച്ച കോൽക്കളി, സീനത്ത് സമാൻ കൊറിയോഗ്രഫി നിർവഹിച്ച മതമൈത്രി നൃത്ത ദൃശ്യാവിഷ്കാരം, മറ്റു നടൻ പാട്ടുകൾ എന്നിവ പ്രതിഷേധ ഇശൽ രാവിന് മാറ്റുകൂട്ടി.
മുഷ്താഖ് മധുവായി സ്വാഗതവും ഹസ്സൻ യമഹ നന്ദിയും പറഞ്ഞു. നിസാർ മടവൂർ അവതാരകനായിരുന്നു.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !