ന്യൂഡല്ഹി: വിദ്യാര്ത്ഥികളുടെ സ്കൂള് ബാഗുകളുടെ ഭാരം കുറയ്ക്കുന്നതിന് കേന്ദ്ര സര്ക്കാര് പുതിയ നയം തയ്യാറാക്കി. ശരീരഭാരത്തിന്റെ പത്ത് ശതമാനത്തില് താഴെയായിരിക്കണം സ്കൂള് വിദ്യാര്ത്ഥികളുടെ ബാഗിന്റെ ഭാരമെന്ന് കേന്ദ്ര വിദ്യാഭ്യാസ മന്ത്രാലയം പുറത്തിറക്കിയ പുതിയ സ്കൂള് ബാഗ് നയം ശുപാര്ശ ചെയ്യുന്നു. രണ്ടാം ക്ളാസ് വരെയുള്ള വിദ്യാര്ത്ഥികളുടെ പരമാവധി തൂക്കം 22 കിലോ ഗ്രാം ആണ്. അതിനാല് അവരുടെ സ്കൂള് ബാഗിന്റെ ഭാരം രണ്ട് കിലോ ഗ്രാമില് കൂടാന് പാടില്ലെന്നാണ് കേന്ദ്ര വിദ്യാഭ്യാസ മന്ത്രാലയം തയ്യാറാക്കിയിരിക്കുന്ന പുതിയ സ്കൂള് ബാഗ് നയത്തില് ശുപാര്ശ ചെയ്തിട്ടുള്ളത്. പ്ലസ് ടു തലത്തില് പഠിക്കുന്ന വിദ്യാര്ത്ഥികളുടെ ഭാരം 35 മുതല് 50 കിലോ വരെ ആയതിനാല് സ്കൂള് ബാഗുകളുടെ ഭാരം അഞ്ച് കിലോ ഗ്രാമില് അധികമാകരുതെന്നും നയത്തില് ചൂണ്ടിക്കാട്ടിയിട്ടുണ്ട്.
സ്കൂള് ബാഗിന്റെ ഭാരം കുറയ്ക്കുന്നതിനുള്ള ചില നിര്ദേശങ്ങളും നയത്തില് വിശദീകരിച്ചിട്ടുണ്ട്. കുട്ടികളുടെ പുസ്തകം നിശ്ചയിക്കുമ്ബോള് അതിന്റെ ഭാരം കൂടി അധ്യാപകര് കണക്കിലെടുക്കണം. എല്ലാ പുസ്തകങ്ങളിലും പ്രസാധകര് ഭാരം രേഖപ്പെടുത്തണം എന്ന് നിര്ദേശിച്ചിട്ടുണ്ട്. അധികസമയം ഇരുന്ന് പഠിക്കാന് കഴിയാത്തതിനാല് രണ്ടാം ക്ളാസ് വരെയുള്ള വിദ്യാത്ഥികള്ക്ക് ഹോം വര്ക്ക് നല്കരുത് എന്നാണ് നയത്തിലെ മറ്റൊരു ശുപാര്ശ. മൂന്ന് മുതല് അഞ്ച് വരെയുള്ള ക്ളാസ്സുകളില് പഠിക്കുന്ന വിദ്യാര്ത്ഥികള്ക്ക് ആഴ്ചയില് പരമാവധി രണ്ട് മണിക്കൂര്വരെയേ ഹോം വര്ക്ക് നല്കാവൂ. തലേ ദിവസം വൈകുന്നേരങ്ങള് എങ്ങനെയാണ് ചെലവഴിച്ചത്, എന്ത് ഭക്ഷണം ആണ് കഴിച്ചത്, അതില് എന്തൊക്കെ ഉണ്ടായിരുന്നു, വിദ്യാര്ത്ഥികളുടെ ഇഷടാനിഷ്ടങ്ങള്, വീട്ടില് ആരൊക്കെ എന്തൊക്കെ ചെയ്യുന്നു എന്നൊക്കെ ക്ളാസില് പറയിപ്പിക്കുക.
മദ്രാസ് ഹൈക്കോടതി 2018-ല് സ്കൂള് ബാഗുകളുടെ ഭാരം കുറയ്ക്കാന് ഉള്ള നയം രൂപീകരിക്കണമെന്ന് കേന്ദ്ര സര്ക്കാരിനോട് നിര്ദേശിച്ചിരുന്നു. ഇതിന്റെ അടിസ്ഥാനത്തില് എന്സിഇആര്ടിയിലെ പാഠ്യപദ്ധതി വിഭാഗം മേധാവി രഞ്ജന അറോറയുടെ നേതൃത്വത്തില് നയം രൂപീകരിക്കാന് വിദഗ്ത സമിതി രൂപവത്കരിച്ചിരുന്നു. രാജ്യത്തെ 350-ഓളം സ്കൂളുകളിലായി 3000 രക്ഷാകര്ത്താക്കളിലുംം 3600 വിദ്യാര്ത്ഥികളിലും സര്വ്വേ നടത്തിയാണ് പുതിയ നയം രൂപീകരിച്ചിരിക്കുന്നത്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !