ഇന്ത്യയിലെ കൊവിഡ് വ്യാപനം എന്നെ ആശങ്കപ്പെടുത്തുന്നു. എല്ലാ രാജ്യങ്ങള്ക്കും വാക്സിന് എത്തിക്കാന് മുന്നില് നിന്ന രാജ്യമാണ് ഇന്ത്യ. ലോകരാജ്യങ്ങള് ഇന്ത്യയ്ക്ക് സഹായം നല്കേണ്ട സമയമാണിത്. എല്ലാവരും സുരക്ഷിതരാകുന്നത് വരെ നമുക്ക് പോരാടിയേ മതിയാകൂ,’ ബോസ്കിര് ട്വിറ്ററിലെഴുതി.
I’m worried about the #COVID19 situation in India, a country which did so much to ensure #Vaccines4All in vulnerable countries. It’s time for the world to extend aid & support to India.
— Volkan BOZKIR (@volkan_bozkir) April 27, 2021
No one’s safe until we’re all safe.
My thoughts are with #India & the Indian people. 🇺🇳🤝🇮🇳
അതേസമയം കൊവിഡ് പ്രതിസന്ധി രൂക്ഷമാകുന്ന സാഹചര്യത്തില് ഇന്ത്യയെ സഹായിക്കാന് ഒരുക്കമാണെന്ന് അമേരിക്കന് പ്രസിഡന്റ് ജോ ബൈഡന് പറഞ്ഞിരുന്നു.
കഴിഞ്ഞ ദിവസമാണ് കൊവിഡ് പ്രതിസന്ധിയെ നേരിടാന് ഇന്ത്യയെ സഹായിക്കുമെന്ന് ബൈഡനും വൈസ് പ്രസിഡന്റ് കമലാ ഹാരിസും പറഞ്ഞത്.
ഇന്ത്യയെ സഹായിക്കുന്നതിന് ആവശ്യമായ ജീവന് രക്ഷാ ഉപകരണങ്ങളും സഹായവും അടിയന്തരമായി അയയ്ക്കുന്നതുള്പ്പെടെ എല്ലാ സഹായങ്ങളും നല്കുമെന്നും ബൈഡനും ഹാരിസും ഉറപ്പ് നല്കിയിരുന്നു.
‘പകര്ച്ചവ്യാധിയുടെ തുടക്കത്തില് തന്നെ നമ്മുടെ ആശുപത്രികള് ബുദ്ധിമുട്ടിലായപ്പോള് ഇന്ത്യ അമേരിക്കയ്ക്ക് സഹായം അയച്ചതുപോലെ, ഇന്ത്യയെ ആവശ്യമുള്ള സമയത്ത് സഹായിക്കാന് ഞങ്ങള് തീരുമാനിച്ചുറപ്പിച്ചതാണ്,’ ബൈഡന് പറഞ്ഞു.
വേഗത്തില് സഹായവും പിന്തുണയും നല്കാന് യു.എസ് ഇന്ത്യന് സര്ക്കാരുമായി ചേര്ന്ന് പ്രവര്ത്തിക്കുന്നുണ്ടെന്ന് കമലാ ഹാരിസ് പറഞ്ഞു.
ഇന്ത്യയിലെ ജനങ്ങള്ക്ക് വേണ്ടിയും ധീരരായ ആരോഗ്യ പ്രവര്ത്തകര്ക്കു വേണ്ടിയും തങ്ങള് പ്രാര്ത്ഥിക്കുന്നതായി കമലാ ഹരിസ് കൂട്ടിച്ചേര്ത്തു.
അതേസമയം ഇന്ത്യയില് കൊവിഡ് അതീവ ഗുരുതരമായി തുടരുകയാണ്. ദല്ഹി പോലുള്ള സംസ്ഥാനങ്ങളില് ഓക്സിജന് ക്ഷാമം അതി രൂക്ഷമാണ്. ഓക്സിജന്റെ അഭാവം മൂലം ചികിത്സ ലഭിക്കാതെ നിരവധിപേരാണ് ദല്ഹിയില് മരിച്ചത്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !