കൊല്ലത്ത് ഭര്ത്താവിന്റെ വീട്ടില് മരിച്ച നിലയില് കണ്ടെത്തിയ വിസ്മയയുടെ നിലമേലിലുള്ള വീട് സന്ദര്ശിച്ച് കെ കെ ശൈലജ ടീച്ചര് എംഎല്എ. ബുധനാഴ്ച രാവിലെയായിരുന്നു ശൈലജ ടീച്ചര് വിസ്മയയുടെ നിലമേലുള്ള വീട്ടിലെത്തി മാതാപിതാക്കളെയും സഹോദരനെയും സന്ദര്ശിച്ചത്. സ്ത്രീധനത്തിന്റെ പേരില് വിസ്മയക്ക് ഭര്ത്താവില് നിന്നും പീഡനമേറ്റിരുന്നുവെന്നാണ് കുടുംബം തന്നോട് വെളിപ്പെടുത്തിയതായും ശൈലജ ടീച്ചര് പ്രതികരിച്ചു.
അതേസമയം, വിസ്മയയുടെ മരണം സ്ത്രീധനം ഒരു ക്രിമിനല് കുറ്റമാണെന്നും ഓരോ വ്യക്തിയും നിലപാടുകള് സ്വികരിക്കേണ്ടതുണ്ടെന്ന് ഓര്മ്മിപ്പിക്കുന്നതാണ് എന്നും ശൈലജ ടീച്ചര് പ്രതികരിച്ചു. സ്ത്രീധന മുക്ത കേരളം സാധ്യമാകുന്നതിന് ഒറ്റകെട്ടായി സംസ്ഥാനത്തെ ബഹുജനങ്ങള് ഒറ്റക്കെട്ടായി പ്രവര്ത്തിക്കണം. സ്ത്രീധനം ഒരു ക്രിമിനല് കുറ്റമാണെന്നും ഓരോ വ്യക്തിയും നിലപാടുകള് സ്വികരിക്കേണ്ടതുണ്ടെന്നും ഈ സംഭവം ഓര്മിപ്പിക്കുന്നു. അതീവ ഗൗരവത്തോടെയാണ് ഈ വിഷയം സര്ക്കാര് കാണുന്നത്. വിഷയത്തില് പഴുതുകളടച്ചുള്ള അന്വേഷണവും നടപടികളും ഉണ്ടാകും എന്നും മുഖ്യമന്ത്രി ഇന്നലെ വ്യക്തമാക്കിയതായും ശൈലജ ടീച്ചര് ചൂണ്ടിക്കാട്ടി.
ശൈലജ ടീച്ചറുടെ ഫേസ്ബുക്ക് പോസ്റ്റ്-
വിസ്മയയുടെ നിലമേലുള്ള വീട്ടിലെത്തി മാതാപിതാക്കളെയും സഹോദരനെയും സന്ദര്ശിച്ചു. സ്ത്രീധനത്തിന്റെ പേരില് വിസ്മയക്ക് ഭര്ത്താവില് നിന്നും പീഡനമേറ്റിരുന്നുവെന്നാണ് കുടുംബം വെളിപ്പെടുത്തുന്നത്. പ്രതികള്ക്കെതിരെ ശക്തമായ നടപടി വേണമെന്ന് അവര് ആവശ്യപ്പെട്ടു. അതീവ ഗൗരവത്തോടെയാണ് ഈ വിഷയം കാണുന്നതെന്നും പഴുതുകളടച്ചുള്ള അന്വേഷണവും നടപടികളും ഉണ്ടാകും എന്നും മുഖ്യമന്ത്രി ഇന്നലെ പറഞ്ഞിരുന്നു.
സ്ത്രീധനം ഒരു ക്രിമിനല് കുറ്റമാണെന്നും ഓരോ വ്യക്തിയും നിലപാടുകള് സ്വികരിക്കേണ്ടതുണ്ടെന്നും ഈ സംഭവം ഓര്മിപ്പിക്കുന്നു. സര്ക്കാര് ഡിപ്പാര്ട്ട്മെന്റ് നടത്തുന്ന പ്രചാരണ പ്രവര്ത്തനങ്ങള് ബഹുജനങ്ങള് ഏറ്റെടുത്ത് സ്ത്രീധന മുക്ത കേരളം സാധ്യമാകുന്നതിന് ഒറ്റകെട്ടായി പ്രവര്ത്തിക്കാന് ഈ അവസരത്തില് തയ്യാറാവണം. ഇനിയും വിസ്മയമാര് ഉണ്ടാകാതിരിക്കാന് നമ്മുക്ക് ഒത്തൊരുമിച്ച് പ്രവര്ത്തിക്കാം.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !